Ukłaścisia ŭ prapanavanyja ministerstvam limity całkam realistyčna.
U Biełarusi ŭviaduć limity na spažyvańnie elektraenierhii, adpaviednyja dakumienty padrychtavała Minenierha. Miarkujecca, dla kvater z hazavaj plitoj limitavany sacyjalny taryf składzie 150 kVt · h, dla kvater z elektraplitoj — 250 kVt · h u miesiac. Pry hetym, kolkaść žycharoŭ kvatery nie budzie ŭličvacca.
Abjomy spažytaj elektraenierhii da 300-400 kVt · h abyducca haspadaram kvater na 30% daražej, a za astatniuju spažytuju elektraenierhiju apłata budzie ažyćciaŭlacca pa sabiekošcie.
Upieršyniu hetuju prapanovu Minenierha ahučyła ŭ studzieni. Zroblena heta było ŭśled za ŭradam, jaki prapanavaŭ inšyja ličby — 107 kVt · h na haspadara kvatery plus pa 30 kVt•h na kožnaha člena siamji. Usio, što zvyš normy, urad prapanoŭvaŭ apłačvać pa taryfie, utraja daražejšym.
Jak bačym, pieramahła inicyjatyva ministerstva. Chto vyjhraje, a chto prajhraje ad hetaha?
Prapanova Minenierha — 150 kVt-h
1 čałaviek — 150 kVt-h
2 čałavieki — 150 kVt-h
3 čałavieki — 150 kVt-h
4 čałavieki — 150 kVt-h
Z prostych padlikaŭ vynikaje, što varyjant, prapanavany Minenierha, začepić tyja siemji, dzie ŭ adnoj kvatery (domie) žyvuć čatyry ci piać čałaviek. Try čałavieki ŭ 150 kiłaVat lohka ŭpisvajucca, navat u zimovy pieryjad.
Pravierana na sabie
Sam ja žyvu ŭ Zasłaŭi ŭ domie z elektraplitoj. Adpaviedna, pavodle novych praviłaŭ limit dla našaj siamji składzie 250 kVt · h. Siamja składajecca z troch čałaviek — dvoje darosłych i maleńkaje dzicia. U kvatery rehularna pracuje chaładzilnik, niekalki razoŭ na tydzień karystajemsia pralnaj mašynaj, pa niekalki hadzin u dzień — kampjutaram. Akramia taho, elektraenierhiju «ciahnuć» pras, elektračajnik i ZVČ-piečka. Nu, i lampački. Jak bačycie, ničoha lišniaha.
Za try hady žyćcia ŭ hetym domie vyznačyli dla siabie niekalki pikavych momantaŭ, kali my nablizilisia da pieravyšeńnia płanki ŭ 250 kiłavat. Pieršy taki vypadak zdaryŭsia anamalna chałodnaj zimoj 2010 hoda. U zimovy pieryjad u našaj kvatery kvatera chałodna, u mocnyja marazy tempieratura vahajecca ŭ miežach 16-18 hradusaŭ. U tuju zimu my pa niekalki hadzin hreli pavietra elektryčnym abahravalnikam. Akurat tady, ličylnik rehularna pakazvaŭ to 200, to 215 kiłavat. Praz hod my nabyli bolš sučasny i ekanomny abahravalnik, i pakazčyki spažyvańnia elektraenierhii spaŭźli za adznaku 200.
Druhi momant — naradžeńnie dziciaci. Pralnaja mašynka pracavała pa niekalki razoŭ u dzień, čaściej davodziłasia pracavać z domu. U tyja pieršyja niekalki miesiacaŭ my iznoŭ pryhadali pra 200-210 kiłavat.
U zvyčajnym režymie za miesiac u nas nabiahaje 150-170 kVt · h.
Žončyny baćki žyvuć u Biełaaziorsku. Akramia ich, u trochpakajoŭcy žyvuć cioščyny baćki. U kvatery pracuje ladoŭnia, televizar hladziać pa niekalki hadzin, rehularna karystajucca mikrachvaloŭkaj i noŭtbukam. Zimoj siamja spažyvaje kala 130 kiłavat, letam — na 10-15 mienš.
Jak pamienšyć vydatki elektraenierhii
— zamianić zvyčajnyja lampački na enierhaźbierahalnyja,
— pa mahčymaści, idučy na pracu abo źjazdžajučy ŭ adpačynak, varta vyklučać bytavuju techniku z razietak — elektraprybory spažyvajuć elektraenierhiju navat u režymie čakańnia,
— čaściej karystacca noŭtbukam, a nie stacyjanarnym kampjutaram: apošni ŭ razy bolš spažyvaje elektraenierhiju.
Kamientary