Ministerstva justycyi zarehistravała źmianieńni i dapaŭnieńni ŭ statut Biełaruskaha chelsynskaha kamitetu.
Ministerstva justycyi 8 maja zarehistravała źmianieńni i dapaŭnieńni ŭ statut hramadskaha abjadnańnia «Biełaruski Chielsinkski kamitet» (BCHK). Vydadziena paśviedčańnie ab dziaržaŭnaj rehistracyi hetaha hramadskaha abjadnańnia. Pra heta BiełaPAN paviedamiŭ člen savieta BCHK Hary Pahaniajła.
Pavodle jaho słoŭ, ciapierašniaja redakcyja statuta pryviedziena ŭ adpaviednaść z normami dziejnaha zakanadaŭstva ab hramadskich abjadnańniach. U nazvu abjadnańnia ŭniesiena ŭkazańnie na charaktar jaho dziejnaści — respublikanskaje pravaabarončaje hramadskaje abjadnańnie «Biełaruski Chielsinkski kamitet».
Metaj RPHA «BCHK» źjaŭlajecca abarona ŭ Biełarusi pravoŭ čałavieka, harantavanych Kanstytucyjaj krainy, dziejnym zakanadaŭstvam, dekłaravanych Chielsinkskimi pahadnieńniami, inšymi mižnarodnymi dahavorami ab pravach čałavieka, a taksama infarmavańnie hramadskaści ab situacyi z pravami čałavieka ŭ Biełarusi i śviecie.
Abjadnańnie zachavała prava abaraniać va ŭstanoŭlenym zakonam paradku pravy i zakonnyja intaresy asob, jakija ličać, što ich pravy parušany i jakija źviarnulisia ŭ RPHA «BCHK», u sudach, dziaržaŭnych, haspadarčych, hramadskich orhanach i arhanizacyjach.
Varta zaznačyć, što na čarhovym pasiadžeńni savieta BCHK była zadavolena zajava H.Pahaniajły ab jaho adstaŭcy z pasady namieśnika staršyni. Jon budzie kiravać pravavoj kamisijaj BCHK. Vykanaŭcam abaviazkaŭ namieśnika staršyni abrany Aleh Hułak. Vykanaŭčym dyrektaram BCHK pryznačana Taćciana Hacura.
«Mnie nie prosta nadakučyła być namieśnikam staršyni BCHK, — prakamientavaŭ BiełaPAN svajo pakidańnie hetaj pasady H.Pahaniajła. — Naśpieła histaryčnaja nieabchodnaść rychtavać sabie zamienu, dałučać da kiraŭnictva našym abjadnańniem moładź. Voś ja i vyrašyŭ, što pačnu ź siabie». Pry hetym viadomy juryst zaznačyŭ, što biez pracy jon nie zastaniecca. «Naša jurydyčnaja kamisija budzie zajmacca tym, čym zaŭsiody zajmajecca. Heta jurydyčnaje supravadžeńnie spraŭ; pryjom hramadzian u hramadskaj pryjomnaj; jurydyčnaja i pravavaja padtrymka hramadzian u sudach; pravavyja manitorynhi, pryčym nie tolki parušeńniaŭ pravoŭ čałavieka, ale i dziejnaści sudoŭ, prakuratury, milicyi, pienitencyjarnaj sistemy; padrychtoŭka zvarotaŭ u Kanstytucyjny sud, suśvietnyja pravaabarončyja arhanizacyi. <...> Pry ciapierašnim aŭtarytarnym režymie ŭ nas pracy, na žal, mienš nie stanovicca i stanavicca, na moj pohlad, nie budzie», — skazaŭ H.Pahaniajła.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary