Mastackaja akcyja ŭ abaronu klaštara Bernardynaŭ i Kaścioła śv. Jazepa sabrała blizu 30 mastakoŭ — amataraŭ i prafesijanałaŭ, roznaha vieku, pierakanańniaŭ, nu i čałaviek 50 naziralnikaŭ.
«Zdieś risovať nielzia, zdieś pravosłavnyj chram!» — mastakoŭ ad pracy adryvali milicyjanty. Paśla ŭviazałasia doŭhaja dyskusija z žurnalistami, minakami. Milicyjanty panikli j urešcie ścichli. Plener pačaŭsia.
Mastackaja akcyja ŭ abaronu klaštara Bernardynaŭ i Kaścioła śv. Jazepa sabrała blizu 30 mastakoŭ — amataraŭ i prafesijanałaŭ, roznaha vieku, pierakanańniaŭ, nu i čałaviek 50 naziralnikaŭ. Malavali taksama pa‑roznamu: dzieci korpalisia na asfalcie raznakalarovymi krejdačkami, niechta vymaloŭvaŭ na planšetach ałoŭkam ci mastackim vuhlom, chtości — kalarovymi ałoŭkami na vatmanach. Razynkaj byŭ malbert pad hrafici. Za hadzinu pracy frontaŭskich hrafitčykaŭ malbert pieraŭtvaryŭsia ŭ kryčačy plakat z vyhladam Kaściołu j nadpisami ŭ styli hrafici: «Bowling? Bar?»
Plener adkryŭ mnostva stračanych talentaŭ. Andruś Sarotnik, Andrej Ihnatovič mahli b stać sapraŭdnymi mastakami, jaki čort ich zanios u palityku!? Upieršyniu ŭ padobnaj akcyi pryniaŭ udzieł i student‑belhijec Mienskaj muzyčnaj vučelni, stvaryŭ karcinu, jakuju biez utryravańnia možna paraŭnać z tvorami suśvietnych klasykaŭ...
Aproč moładzi BNF, studentaŭ mastackich vučelniaŭ i biełaruskich dzietak, byli studenty žurfaka, niekatoryja žž‑šniki, kołasaŭskija liceisty. Na 10 chvilin pavitaŭ «mastakoŭ» i ŭłasna Stefan Eryksan!.
Kožnamu ŭdzielniku dastałasia śvieža vydrukanaja paštoŭka z kalekcyi Frontu (pieršaja była karcina Maračkina, druhaja — «Hołosujem ź intiellekt» z Łukašenkam i tomikam Bykava) — u abaronu klaštaru Bernardynaŭ, zroblenaja pa matyvach Salvadora Dali.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary