Urad Biełarusi zaćvierdziŭ Pałažeńnie ab paradku padrychtoŭki i praviadzieńnia respublikanskaha fiestyvalu‑kirmašu pracaŭnikoŭ vioski «Dažynki».
U pastanovie Savieta Ministraŭ (ad 30 maja hetaha hoda numar 712) havorycca, što «Dažynki» pravodziacca ŭ metach uznaharodžańnia pieramožcaŭ respublikanskich spabornictvaŭ u vytvorčaści sielskahaspadarčaj pradukcyi.
Jak adznačana ŭ pastanovie ŭrada, srodki na finansavańnie mierapryjemstvaŭ pa padrychtoŭcy i praviadzieńniu fiestyvalu‑kirmašu praduhledžvajucca pry farmiravańni prajektaŭ respublikanskaha i miascovych biudžetaŭ na čarhovy finansavy (biudžetny) hod i vydzialajucca ŭ miežach płanavych asihnavańniaŭ.
Kantrol za metavym i efiektyŭnym vykarystańniem biudžetnych srodkaŭ, jakija vydzialajucca na padrychtoŭku i praviadzieńnie fiestyvalu‑kirmašu, ažyćciaŭlajuć Ministerstva finansaŭ i abłasny vykanaŭčy kamitet, na terytoryi jakoha pravodzicca fiestyval‑kirmaš.
Jak respublikanski fiestyval‑kirmaš «Dažynki» ŭ Biełarusi stali prachodzić z 1996 hoda. Z taho času miescami ich praviadzieńnia byli Stolin, Masty, Niaśviž, Škłoŭ, Mazyr, Połack, Pružany, Vaŭkavysk, Słuck, Babrujsk. U 2007 hodzie «Dažynki pravodziacca ŭ Rečycy. U hetym hodzie na zaachvočvańnie pieramožcaŭ respublikanskaha spabornictva, u tym liku na arhanizacyju fiestyvalu, płanujecca vydzielić z respublikanskaha fondu padtrymki sielhasvytvorcaŭ Br8 młrd.
Kamientary