Урад Беларусі зацвердзіў Палажэнне аб парадку падрыхтоўкі і правядзення рэспубліканскага фестывалю‑кірмашу працаўнікоў вёскі «Дажынкі».
У пастанове Савета Міністраў (ад 30 мая гэтага года нумар 712) гаворыцца, што «Дажынкі» праводзяцца ў мэтах узнагароджання пераможцаў рэспубліканскіх спаборніцтваў у вытворчасці сельскагаспадарчай прадукцыі.
Як адзначана ў пастанове ўрада, сродкі на фінансаванне мерапрыемстваў па падрыхтоўцы і правядзенню фестывалю‑кірмашу прадугледжваюцца пры фарміраванні праектаў рэспубліканскага і мясцовых бюджэтаў на чарговы фінансавы (бюджэтны) год і выдзяляюцца ў межах планавых асігнаванняў.
Кантроль за мэтавым і эфектыўным выкарыстаннем бюджэтных сродкаў, якія выдзяляюцца на падрыхтоўку і правядзенне фестывалю‑кірмашу, ажыццяўляюць Міністэрства фінансаў і абласны выканаўчы камітэт, на тэрыторыі якога праводзіцца фестываль‑кірмаш.
Як рэспубліканскі фестываль‑кірмаш «Дажынкі» ў Беларусі сталі праходзіць з 1996 года. З таго часу месцамі іх правядзення былі Столін, Масты, Нясвіж, Шклоў, Мазыр, Полацк, Пружаны, Ваўкавыск, Слуцк, Бабруйск. У 2007 годзе «Дажынкі праводзяцца ў Рэчыцы. У гэтым годзе на заахвочванне пераможцаў рэспубліканскага спаборніцтва, у тым ліку на арганізацыю фестывалю, плануецца выдзеліць з рэспубліканскага фонду падтрымкі сельгасвытворцаў Br8 млрд.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары