Kamedyjant
U «Antalohiju ŭčynku»
Hetuju historyju ja pačuŭ ad svajho siabruka ŭ formie teatralnaj plotki. Ale historyja mała nahadvała plotku. Heta byŭ chutčej siužet dla haradzkoha ramansu pra luboŭ.
Jon byŭ nia horšy aktor lepšaha staličnaha teatru, jana słužyła aktryskaju tamsama. Jon lubiŭ scenu j jaje, jana, viadoma ž, lubiła toje samaje. Jon mieŭ prychilnic, jana — pakłońnikaŭ. Jamu daryli kvietki, joj — kvietki z darahimi vizytoŭkami. Kaniečnie, idylija viasiołaha žabractva doŭha ciahnucca nie mahła. Kaniečnie, jana pazvaniła pa vizytoŭcy, pakul aktor pamiraŭ u šekśpiraŭskaj dramie. Haspadar załacistaj vizytoŭki byŭ, kaniečnie, na «Mersedesie», i žyŭ, viadoma, u vialikaj kvatery na Praspekcie za braniavymi dźviaryma, i, biezumoŭna, čytaŭ Pialevina i «Arche».
Aktrysku jon pavioŭ u kabačok «Hrunvald», što asacyjavałasia ŭ jaho z vytančanaściu hustu, i ŭvieś viečar raskazvaŭ joj anekdoty pra «novych rasiejcaŭ». U jaje vačach jon byŭ «dyrektaram śvietu».
Nastupnuju sustreču jon pryznačyŭ joj u boŭlinhu.
Praź miesiac jana skazała byłomu kachanamu, što im treba adpačyć adzin ad adnoha i što jana sychodzić pažyć da maci. Kaniečnie, jon pavinien byŭ usio zrazumieć, zapić, samotna prahłynuć prynižeńnie j cicha zrazumieć, chto jość haspadarom. Praciahvajučy hrać Makbetaŭ dy Ryčardaŭ dalej. I nichto b jaho nie asudziŭ.
Špacyrujučy pa prašpekcie padšafe, jon ubačyŭ jaje ŭ «Mersedesie», što zarulvaŭ u ciomny dvor vialikaha domu, i kinuŭsia śledam. Dahnać nie paśpieŭ. Na jašče ciopłym kapocie darahoha aŭto rastavali śniažynki. Łabavoje škło raźlaciełasia chutka, ciažej było vyłamać dźviery j rul, vyrvanaja pravodka nahadvała vyviernutyja kiški. Za piać chvilinaŭ niamiecki symbal dabrabytu pieratvaryŭsia ŭ blašanku, što pabyvała ŭ skivicach Kinh-Konha.
Syhnalizacyja pracavała niadoŭha, ale jaje paśpieli pačuć. Źbiantežany haspadar vybieh u dvor. Na svaju biadu. Zrešty, usio abyšłosia, skalp źniaty nia byŭ. Jana vyklikała milicyju.
Mianty jaho nia bili — paznali pa roli ŭ seryjale i paprasili ŭsim adździaleńniem aŭtohrafy. Siabry pračuła pacisnuli ruki.
Turemnaha terminu jamu nie dali, z repertuaru b tady palacieŭ Šekśpir. Kab raźličycca z pazykami, aktoru chopić ihrać «uładaroŭ losaŭ» ledź nie da skonu. A zrešty, što jašče treba aktoru dla žyćcia.
Źmicier Bartosik
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary