Čužy pasiarod svaich
Čorna-biełyja pracy fotamastaka vystaŭlajucca ŭ Varšavie i ihnarujucca ŭ Miensku
Ničoha nie šakuje zvyčajnaha čałavieka bolej, čym toje, pra što ŭ jaho daŭno skłałasia peŭnaja dumka. Šmatlikija pieramohi fotamastaka Arkadzia Biryłki ŭ roznych konkursach stvaryli jamu imidž čałavieka, lepš za jakoha nichto nia zdolny zrabić žanočy partret. Jahonaja znakavaja praca — vyjava maładoj maci, stylizavanaja pad Džakondu Leanarda. Adnak padrychtavanaja Arkadziem vystava «Mienskija drug-qeen u čornym i biełym» (spačatku jana nazyvałasia «Hiej-teatar») narabiła žudasnaha skandału. Niadobry kamizm stanovišča ŭ tym, što samuju vystavu ŭ Miensku nia bačyŭ nichto, aprača siabroŭ Arkadzia i čytačoŭ hiejskaha časopisa «Forum-Lambda». Siońnia hetaja vystava adkryvajecca ŭ Varšavie ŭ miežach III suśvietnaha festvalu hiejska-leśbijskaj kultury, na jaki zaprasili j biełarusaŭ. Ź biełarusaŭ pajechali Alena Adamčyk z svaimi «kalarovymi» hiejami, staršynia Lihi seks-mienšaściaŭ Edvard Tarlecki z dakładam, dy-džej Jadzik, sami drug-qeen «Maja» i «Patrycyja» (terminam drug-qeen vyznačajucca artysty paradyjnaha žanru, jakija śpiavajuć, tančać i viesialać publiku ŭ žanočym adzieńni). Vystava Arkadzia Biryłki pajechała biez svajho haspadara, pakul ciažka pradkazać jejny pośpiech.
Kanflikt pačaŭsia ŭ redakcyi hazety «Znamia junosti», dzie Arkadź Biryłka pracuje fotakarespandentam. Paśla taho, jak časopis «F/L» nadrukavaŭ niekalki tvoraŭ Biryłki i źmiaściŭ abviestku pra toje, što mastaka ŭ jakaści madelaŭ cikaviać maładyja ludzi abodvuch pałoŭ ź cikavym ujaŭleńniem pra svajo cieła i z ułasnymi idejami, u redakcyi «ZIU» aburylisia. Zaŭvažu, što sam Arkadź — nia hiej. I raniej prosta nikoli nie sutykaŭsia z hiej-supolnaściu. Dyk voś, u «Znamia junosti» na «złačynstva» Arkadzia adreahavali vielmi specyfična — abvieścili strohuju vymovu i pazbavili premii. Častka kalektyvu pierastała vitacca z fotamastakom za ruku. Numar časopisa, dzie nadrukavanyja zdymki i abviestka, chadziŭ pa rukach, jak niešta «smažanaje» i «pierasmažanaje».
Dla Arkadzia ŭsio skončyłasia adnosna nie trahična. Jaho nia zvolnili z pracy, adkryvajecca jahonaja vystava, u žniŭni jahonyja pracy pajeduć u Stakholm. Ale varta kazać pra tendencyju. Pra niepryniaćcie byccam by razumnymi, byccam by intelihientnymi ludźmi taho, z čym jany nie sutykalisia raniej i što z-za hetaha padajecca im ledź nie złačynstvam.
Cina Kłykoŭskaja
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary