Naviny
Aryštavany rachunak “Narodnaj voli”
Aryštavany rachunak hazety “Narodnaja vola”. Nahodaj dla hetaha staŭsia pazoŭ dźviuch sudździaŭ z Žodzina, jakija ličać, što hazeta abraziła ich honar i hodnaść. Kožnaja patrabuje 2,5 młn. rub. kampensacyi. Padstava — artykuł dyrektara sajuzu jurystaŭ Mienskaj vobłaści U.Ivanova z krytykaj pracy žodzinskich sudździaŭ. Niahledziačy na aryšt, “Narodnaja vola” nia spynić štodzionnaha vychadu.
200 tysiač biełarusaŭ
z mabilnikami
Kolkaść abanentaŭ sietki mabilnaje suviazi “Vełkam” u Biełarusi pierakročyła 200 tysiač. A jość ža jašče “Biełseł”!
Indziejcy zachapili 57 turystaŭ
Veterany hvatemalskaha vojska zachapili 57 biełych turystaŭ i trymajuć ich u ruinach horadu indziejcaŭ maja. Vajaki patrabujuć kampensacyi za słužbu: ich brali ŭ vojska siłkom i hnali vajavać z antyŭradavymi partyzanami.
Rasieja nie pakinie “Satanu”
Načalnik rasiejskaha Hienštabu Anatol Kvašnin śćviardžaje, što Rasieja “maje i budzie mieć balistyčnyja rakietnyja kompleksy naziemnaha bazavańnia z bajehałoŭkami, što padzialajucca, u tym liku i ciažkija rakietnyja kompleksy typu “Satana”. Kamentujučy vychad ZŠA z Damovy pa PRA, Kvašnin padkreśliŭ, što Rasieja maje svaju stratehiju reahavańnia na heta.
Uznaharoda znojdzie hieroja
Ukrainskaja hramadzkaść źviarnułasia da ministra abarony Leanida Malcava z prapanovaj dać zvańnie Hieroja Biełarusi žycharu Žytomiru Jurju Kraŭcu. U 1985 h. na stancyi Raźjezd Žabinkaŭskaha rajonu jon adbuksavaŭ achopleny połymiem benzavoz ad pasažyrskich vahonaŭ pojezdu Maskva—Berlin i kantejneraŭ z atamnymi adkidami. Adnak biełaruskija zakony nie praduhledžvajuć uznaharodžańnia hramadzianaŭ za podźvihi, ździejśnienyja da ŭtvareńnia Respubliki Biełarusi, tamu ministar paraiŭ ukraincam chadajničać ab ušanavańni Kraŭca ŭznaharodami Ŭkrainy.
B.T.
Kamientary