U EHU prakamientavali masavyja pieratrusy ŭ źviazanych z univiersitetam ludziej
Administracyja EHU paviedamiła «Radyjo Svaboda» što ciapier «univiersitet nie abmiažoŭvajecca tolki manitorynham situacyi, jakaja raźvivajecca, a robić aktyŭnyja zachady reahavańnia ŭ suviazi z kankretnymi incydentami jak u publičnaj śfiery, tak i ŭ ramkach unutranaj pracy».
Paviedamlajecca, što administracyja EHU znachodzicca ŭ pastajannym uzajemadziejańni z pradstaŭnikami univiersiteckaj supolnaści dziela zabieśpiačeńnia naležnaha i svoječasovaha abmienu infarmacyjaj pamiž usimi zacikaŭlenymi bakami:
«Studentam i prafiesarska-vykładčyckamu składu dajecca dostup da nieabchodnaj infarmacyi, jakaja dazvalaje im aryjentavacca ŭ situacyi, uklučajučy adpaviednyja rekamiendacyi, a taksama mahčymaść indyvidualnaj padtrymki ŭ kankretnych pytańniach».
Dziaržaŭnyja orhany Litoŭskaj Respubliki, zasnavalniki i donary EHU rehularna atrymlivajuć infarmacyju pra apošnija padziei, paviedamili ŭ VNU:
«Mahčymyja dalejšyja zachady reahavańnia znachodziacca na stadyi abmierkavańnia; adnačasova robiacca kroki, nakiravanyja na atrymańnie reakcyi i padtrymki z boku mižnarodnaj supolnaści».
Na siońnia pravaabaroncam viadoma pra bolš čym 30 pieratrusaŭ u spravie EHU, jakija prajšli 2—4 červienia. Padstavaj stała zaviedzienaja ŭładami kryminalnaja sprava za «sadziejničańnie ekstremisckaj dziejnaści» i «finansavańnie» jaje.
Baćkoŭ vymušajuć źviazvacca ź dziećmi, jakija vučacca ŭ EHU i žyvuć u Litvie, kab tyja padali zajavu na adličeńnie i viarnulisia ŭ Biełaruś. Im dajuć da 10 dzion na vyklučeńnie z univiersiteta.
KDB prychodzić i da vypusknikoŭ univiersiteta. U ich patrabujuć dypłomy ab zakančeńni EHU.
Bolš za 30 pieratrusaŭ pa ŭsioj krainie. Što viadoma pra «spravu EHU» i jak abaranić siabie i blizkich
Jak prachodzić pieratrus pa spravie EHU
Siłaviki prychodziać da studentaŭ EHU — i ciapierašnich, i byłych
Niekalki vykładčykaŭ EHU z pryznańniem univiersiteta ekstremicckaj ustanovaj spynili supracoŭnictva
EHU nie budzie admaŭlacca ad naboru
Kamientary