Na pačatku nastupnaha tydnia Centravybarkam razhledzić pytańnie pra rehistracyju inicyjatyŭnaj hrupy hramadzianaŭ, jakija chočuć raspačać zbor podpisaŭ za ŭniasieńnie ŭ parlament zakonaprajektu suprać admieny prymusovych pracoŭnych kantraktaŭ.
Pavodle słovaŭ Lidzii Jarmošynaj, zaraz CVK zaviaršaje pravierku inicyjatyŭnaj hrupy. CVK ciaham miesiaca praviaraje pravamocnaść jaje stvareńnia. A Ministerstva justycyi maje dać jurydyčnuju acenku abhruntavanaści takich prajektaŭ.
Stvareńnie inicyjatyŭnaj hrupy, u jakuju ŭvajšli 500 čałaviek, adbyłosia 1 maja pad adkrytym niebam. Adnak, kaža staršynia CVK, heta nie parušeńnie. Našmat bolej CVK cikavić, ci ŭsie z uniesienych u śpis ludziej udzielničali ŭ hetym mierapryjemstvie i ci zapis u inicyjatyŭnuju hrupu prachodziŭ dobraachvotna. Dla hetaha supracoŭniki Centravybarkamu abzvońvali inicyjataraŭ uniasieńnia papravak u pracoŭnaje zakanadaŭstva. «Adrazu chaču papiaredzić, što adkazy my atrymlivali roznyja», — skazała Ł.Jarmošyna.
U vypadku atrymańnia dazvołu CVK, inicyjatyŭnaj hrupie nieabchodna budzie sabrać nia mienš za 50 tys. podpisaŭ. Dahetul nivodnaja sproba realizavać prava zakanadaŭčaj inicyjatyvy takim šlacham nia mieła pośpiechu.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary