Hieneralny prakuror Karaleŭstva Hišpanii pastanaviŭ zakryć adzinuju całkam baskamoŭnuju hazetu «Egunkaria». U vinu joj stavicca supracoŭnictva z terarystyčnaj hrupoŭkaj E.T.A. Supracoŭniki vydańnia na čale z hałoŭnym redaktaram aryštavanyja.
Tyja ž, kamu pašancavała nia trapić za kraty, pačali rychtavać novy prajekt. Asablivaść hetaha zdareńnia ŭ tym, što «Egunkaria» ličyłasia centrysckim vydańniem i mieła nakiravanaść bolš kulturnickuju, čym palityčnuju. Zakryćcio hazety vyklikała chvalu abureńnia jak u samoj Krainie Baskaŭ, tak i pa ŭsim karaleŭstvie. Centralnyja ŚMI rezka krytykujuć urad, a na vulicy Danościi (pa-hišpansku San-Sebastjan) vyjšła bolš za 100 tys. abražanych baskaŭ.
Heta ŭsio adbyvajecca na fonie suśvietnaj vajny z teraryzmam. Hišpanija — adna z samych addanych chaŭruśnic ZŠA, i heta, na dumku aficyjnaha Madrydu, daje jamu kart-blanš na svaju maleńkuju vajnu. Voś jana — prablema bieździaržaŭnych nacyjaŭ. Pryncypy Deklaracyi AAN ab pravie na samastojnaść narodu abviarhajucca jaje padpisantami. Śviet zapluščvaje vočy na Čačeniju, Krainu Baskaŭ i h.d. Paśla 11 vieraśnia ŭsio heta adbyvajecca pad prykryćciom «vajny ź mižnarodnym teraryzmam».
Baskam nie zvykacca z represijami: letaś była pastaŭlena pa-za zakonam niezaležnickaja palityčnaja platforma Batasuna («NN» №37, 2002 h.), začynienyja kulturnickija centry Taverny, isnuje zabarona na mitynhi. Takaja pazycyja Madrydu šturchaje baskaŭ da ŭsio bolš radykalnych metadaŭ zmahańnia.
Baski — narod na poŭnačy Iberyjskaha paŭvostrava, jaki zachavaŭ svaju samabytnaść i movu. Mova baskaŭ svojeasablivaja, jana nia maje rodnasnych u Eŭropie.
FE
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary