Navučency i vykładčyki Liceju śviatkavali ŭ dvary, nie zaniali budynku.14 studzienia navučency j vykładčyki Biełaruskafha liceju sabralisia pad murami svajoj alma mater pa vuł. Kirava. Jany ŭ čarhovy raz adznačyli Dzień Liceju. U hety dzień 12 hadoŭ tamu budynak byŭ pieradadzieny navučalnaj ustanovie pastanovaj Saŭminu. Ahułam ža Licej adznačyŭ svoj 14-y dzień naradžeńnia.
Namieśnik dyrektara Lavon Barščeŭski zhadvaŭ pieršyja hady isnavańnia Liceju. Jak premjer Kiebič nie chacieŭ stavić apošni podpis dla pieradačy Liceju budynku na vuł.Kirava i pahadziŭsia na heta, kali baćki j vučni ŭžo sami zaniali budynak. Kiraŭnik Liceju Ŭładzimier Kołas zaznačyŭ, što liceisty z vykładčykami mahli b zaniać budynak, jak zrabili heta ŭ 92-m: «Ale my budziem trymacca ŭ ramkach zakonu».
Budynak, ź jakoha liceistaŭ vykinuli na padstavie ramontu, dahetul staić pusty. Nijakija ramontnyja raboty tut nie viaducca. Namieśnica dyrektara Iryna Sidarenka, jakoj udałosia prajści ŭ były svoj kabinet, kaža, što ŭnutry ŭsio zastałosia niekranutym: «Na ścienach ź leta visiać našyja vinšavańni vypusknikam, u maim kabinecie lažać sšytki z tvorčymi pracami».
Siońniašniaje śviatkavańnie Dnia Liceju prypała na apošni dzień vakacyjaŭ, jakija ŭ liceistaŭ pačalisia j skončylisia paźniej, čym u inšych škołach, bo miesiac dzieci vučylisia ŭ Vilni. U narmalnych umovach rabili labaratornyja pracy pa chimii, fizycy, zajmalisia fizkulturaj u spartzali. Urešcie pabyli ŭsie razam i znoŭ adčuli siabie kalektyvam. Viarnulisia ŭ Miensk tolki 3 studzienia.
Ale skončyŭsia i hety karotki adpačynak. Ł.Barščeŭski nahadaŭ, što dla vučniaŭ 2-ha j 4-ha kursaŭ nastupnaje paŭhodździe budzie nadzvyčaj składanym: treba rychtavacca da zdačy dziaržaŭnych ispytaŭ.
Śviata Liceju maje praciahvacca. 15 studzienia liceisty źbiarucca ŭ licejskim dvoryku, kab zapuścić u nieba śviatočnyja baloniki, a potym praviaduć čarhovuju śpieŭnuju akcyju na praspekcie Skaryny. 16 studzienia ŭviečary ŭ mienskim klubie «Tunel» adbudziecca śviatočnaja viečaryna z pakazam licejskaj kinachroniki j dyskatekaj.
«NN» dałučajecca da vinšavańniaŭ.
Arkadź Šanski
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary