Były zahadčyk artapedyčnaha adździaleńnia sanatoryju «Biełaruś» u Druskienikach, kiraŭnik Tavarystva biełaruskaj kultury Druskienikaŭ Ivan Łomać ledź nie pamior na haradzienskim vakzale. Niekali dziakujučy jahonym namahańniam sanatoryj «Biełaruś» zastaŭsia biełaruskim.
Były doktar viartaŭsia 21 sakavika ad syna z Horadni dadomu ŭ Litvu. I źbiraŭsia nabyć kvitok za lity ŭ litoŭskim aŭtobusie, jaki abstalavany kasavym aparatam. Adnak biełaruskaja pasadačnaja kantralorka zajaviła, što ŭsie bilety treba kuplać u kasach aŭtavakzału, a litoŭski kiroŭca nia maje prava tutaka pradavać ich.
Reč u tym, što pry pakupcy kvitkoŭ u kasach aŭtavakzału zamiežnikam davodzicca apłačvać jašče i miascovy zbor u 8750 rubloŭ, ci 3 eŭra, jaki ŭ kvitkach paznačany jak ekalahičny. Ź biełaruskich hramadzian spahaniajecca 4375 rubloŭ. Kali ž nabyvać kvitki ŭ kiroŭcy litoŭskaha aŭtobusa «Horadnia—Koŭna», dyk hetaha zboru možna nie płacić.
Zhodna z pastanovaj Savietu Ministraŭ Biełarusi №227 ad 3 sakavika 2004 h., supracoŭniki «Biełarusi», a taksama ludzi, jakija majuć svajakoŭ u pryhraničnaj zonie, vyzvalajucca ad vypłaty miascovaha zboru.
Poŭny varyjant artykułu hladzicie ŭ hazecie "Naša Niva".
Rusłan Raviaka
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary