Siami mnie nie daduć, a hod ja vytryvaju
Jak sumlennaja kamunistka, Taciana paviedamiła partarhanizacyi, što źbirajecca achryścić svaich dziaciej. Partaktyŭ vyrašyŭ u paradku vyklučeńnia dazvolić: małodšaja dačka naradziłasia ŭ čarnobylski hod.
Kali na Tacianu Proćku zaviali kryminalnuju spravu za «niavypłatu» Chielsynskim kamitetam padatkaŭ pa hrancie TASISu, jana sa ździŭleńniem vyjaviła, što metady i pryjomy ŭ pravaachoŭnych orhanaŭ tyja samyja, što ŭ savieckija časy, a značyć, jana dobra tearetyčna padrychtavanaja da zmahańnia z systemaj.
Hady pracy nad doktarskaj dysertacyjaj ŭ archivach KDB Taciana pryhadvaje jak vielmi važny čas u svam žyćci. Mienavita tam jana navučyłasia nie bajacca specorhanaŭ. Tady da jaje prystavili kapitana, kab jana nie padhladała ŭ niedazvolenyja miescy ŭ aktach. Tyja staronki, jakija možna było čytać, paznačyli zakładkami. Praź niejki čas kapitana vyzvalili, a joj dazvolili padhladać, ale nie rabić vypisak z zabaronienych staronak.
Kserakopija z Kryminalnaha kodeksu ź «jaje» artykułam (243, p.2) lažyć na stale ŭ Taciany. Artykuł praduhledžvaje ad troch da siami hadoŭ pazbaŭleńnia voli. Tut ža kamentuje: «Siami mnie nie daduć, ale try — ruka nie zdryhaniecca. Ź ich ja prasiadžu hod, hod mnie skaściać za dobryja pavodziny ci patraplu pad amnistyju». Dačka Daša ŭpeŭniena ŭ tym, što maci siadzie. Jana aktyŭna pierajmaje ŭsiu haspadarku i supakojvaje maci, što budzie dapamahać baćku ŭ biznesie i pa domie. Kaža, što nie daruje, kali zrobiać niešta majomaści — chacie i fermie.
Za miažoju navat jeści nia chočacca
Na pytańnie, ci nia choča spn.Proćka źjechać za miažu, jana ćviorda adkazvaje: «Ja nie pajedu. Hetyja prapanovy iduć z usich bakoŭ, navat ad tych ludziej, jakija robiać pravasudździe. U Amerycy ŭ mianie žyvie dačka. Ja mahu źjechać tudy elementarna. Muž dački — paśpiachovy juryst, i pražyć mnie tam nia budzie prablemy. Ale ŭ Amerycy ja navat jeści nie chaču. Ja śledčaha svajho papiaredziła: ja nikudy nia źjedu, navat nie raźličvajcie. Budziecie mianie sadžać ci apraŭdajecie — ja nie vinavataja z hledzišča zakonu. Ja budu kaštavać našaj dziaržavie vielmi doraha: praź mianie mohuć spynicca prahramy TASIS».
Poŭny varyjant artukułu čytajcie ŭ hazecie "Naša Niva"
Vieranika Dziadok
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary