Napiaredadni 20 lipienia ŭ «NN» trapili dźvie niezvyčajna cikavyja naviny. Pieršaja — u supracoŭnikaŭ Savietu Ministraŭ pad pahrozaj zvalnieńnia źbirajuć podpisy za padaŭžeńnie prezydenckich paŭnamoctvaŭ da 10 hadoŭ. Stała taksama viedama, što dniami ŭ dziaržaŭnyja hazety pryjšoŭ materyjał BiełTA pra inicyjatyvu pracoŭnych kalektyvaŭ ab praviadzieńni referendumu. Adnak praz hadzinu materyjał byŭ adklikany. Systema rychtujecca, daje ŭciečki infarmacyi, ale ni 3-ha, ni 20 lipienia kampanija nie startavała. Hetamu mohuć być tolki dva tłumačeńni. Pra pieršaje havorać sacyjolahi. Vybarcy bolš čym skieptyčnyja da idei treciaha terminu i pažyćciovaha prezydenctva.
«Ci prahałasuje narod za mianie ŭ 2006 hodzie, heta pytańnie», — pryznaŭsia A.Łukašenka. A treba ž nie papiarovaja pieramoha na referendumie, a čystaja. Jana b zabiaśpiečyła inercyju na prezydenckija vybary i minimizavała nieabchodnaść zvarotaŭ da narodu ŭ nastupnym dziesiacihodździ. Jak i biaskoncyja ŭciečki infarmacyi, 4-hadzinny seans kalektyŭnaha hipnozu na ŭsich telekanałach mieŭ zapeŭnić: Łukašenka — heta niepaźbiežnaść, treci termin — heta niepaźbiežnaść. Što b ni pytalisia žurnalisty, usio adno adkazy buduć tyja samyja, što kraina čuła ad 1996 h., i znudžany Ŭrał Ramdrakavič budzie majačyć za śpinami zaprošanych. Ščoŭkaj ni ščoŭkaj, źmirycca musova. Kijem hary nie padapreš.
Druhoje tłumačeńnie. Peŭnaści, jakija čas pravia-dzieńnia i farmuloŭka pytańnia łukašenkaŭcam najvyhadniejšyja pry takoj chałodnaści hramadztva, u ich niama. I ničoha novaha, jak vyjaviłasia z havarylni 20 lipienia, prapanavać krainie jany nia mohuć.
Referendum zryvajuć zanadta śviadomyja hramadzianie, jakija nia vierać u niepaźbiežnaść. Niezdarma asobnyja palityki tak nienavidziać biełaruskaje słova «śviadomy».
Barys Tumar
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie12
Kamientary