jaki staŭ pracavać na amerykancaŭ
Amerykancy nazvali jaho ŭvasableńniem djabła i zahadali šukać pa ŭsim śviecie. Ale apošnim časam ich złość prajšła, i, vidać, na ich prośbu jaho proźvišča źnikła z čornaha śpisu mižnarodnych złačyncaŭ. Jany sami pačali karystacca jaho pasłuhami ŭ Iraku, piša «Gazeta Wyborcza». Padajom partret Viktara Buta, adnaho z samych pieršych handlaroŭ zbrojaj, čyj žyćciovy šlach ciesna źviazany ź Biełarusiaj.
14 hadzin 6 chvilin 28 lutaha 2002 h. Rasiejskaje ahienctva «Interfaks» paviedamlaje, što zhodna z razasłanym mižnarodnym śpisam padazravanych rasiejskija ŭłady raspačali vyšuk handlara zbrojaj Viktara Buta. Praz paŭhadziny dziaržaŭnaje ahienctva ITAR-TASS rassyłaje paviedamleńnie: «Rasiejskaje biuro Interpołu razam z MUS, Federalnaj słužbaj biaśpieki i hieneralnaj prakuraturaj aktyŭna šukajuć 35-hadovaha Viktara Buta. (…) U ciapierašni čas jaho miescaznachodžańnie nieviadomaje, ale, pavodle źviestak pravaachoŭnych orhanaŭ, But znachodzicca za miežami Rasiei».
U toj samy dzień, a mienavita a 15-j hadzinie, But pryjaždžaje na radyjo «Recha Maskvy», što na Novym Arbacie, 19 — u samym sercy stalicy Rasiei, za niekalki socień metraŭ ad Ministerstva abarony. Śpiarša vychodzić u žyvy efir, potym na praciahu paŭhadziny pierad uvachodam u radyjostancyju daje interviju žurnalistam z usiaho śvietu.
U 15.32 «Interfaks» publikuje čarhovaje paviedamleńnie — što rasiejskaje biuro Interpołu nia viedaje, dzie znachodzicca But. Ihar Cyrulnikaŭ, pradstaŭnik Interpołu pry rasiejskim MUS, padrabiazna tłumačyć u hetym paviedamleńni, jak z 1999 h. vialisia pošuki Buta. «Na siońnia možna z poŭnaj upeŭnienaściu skazać, što Buta niama ŭ Rasiei», — havoryć jon. Słuchačy zvoniać na radyjo i da kolikaŭ rahočuć u efir. A But nieŭzabavie źnikaje.
Pili až da ŭpadu
Na praciahu apošnich piatnaccaci hod Viktar But zdabyŭ sabie zasłužanuju, choć i zmročnuju, słavu najbujniejšaha ŭ śviecie handlara zbrojaj i kantrabandysta. Jon akazvaŭ pasłuhi ŭsim, chto płaciŭ, u tym liku aŭhanskim talibam i ichnim haściam z «Al-Kaidy».
Poŭny varyjant artykułu čytajcie ŭ papiarovaj i pdf-versii "Našaj Nivy"
Vajciech Jahielski,
Marcin Vajciachoŭski
Kamientary