Suprać astatnich kiraŭnikoŭ demakratyčnych siłaŭ ułada vystaviła pa dva supierniki: ad vertykali i ad ŁDPB na adciažku hałasoŭ.
Lidery biełaruskaje apazycyi ŭsie vyłučalisia ŭ mienskich akruhach. Staršynia Narodnaj hramady Mikoła Statkievič balatujecca ŭ deputaty pa Kalinoŭskaj akruzie №108 (jak i na vybarach 2000 h., kali jon prajhraŭ). Inicyjatyŭnaja hrupa zdała za svajho lidera bolš za 1100 podpisaŭ i sutyknułasia ź niespadziavankaj: hałoŭnym supiernikam pa akruzie vystupaŭ namieśnik staršyni Partyi BNF Jury Chadyka . Łukašenkaŭcy vyrašyli sprečku «Piaciorki+» i «Eŭrapiejskaj kaalicyi» ŭłasnaj volaj: Ju.Chadyku z dystancyi źniali. Mikołu Statkieviču daviadziecca zmahacca za mandat ź dziejnym deputatam pałaty pradstaŭnikoŭ Volhaj Abramavaj , na jakuju robiać staŭki ŭłady. U dadatak pa akruzie vyłučajecca hałoŭny doktar pieršaj kliničnaj bolnicy Miensku Mikałaj Sierdziučenka .
Staršynia Abjadnanaj hramadzianskaj partyi Anatol Labiedźka taksama addaŭ pieravahu nie Ašmianie, ad jakoj abiraŭsia ŭ Viarchoŭny Saviet XIII sklikańnia, a Sucharaŭskaj akruzie №102 stalicy. Schiema «adzin apazycyjaner — dva pradstaŭniki ŭłady» skarystanaja i tam. Apazycyjnamu palityku daviadziecca sutyknucca z zahadčycaj upraŭleńnia sacyjalnaj dapamohi harvykankamu Irynaj Alaksanavaj , za čyjoj śpinaj — uvieś administracyjny resurs. Raskrutka pretendentki na kanale STV pačałasia ŭžo ranicaj 16 vieraśnia, chacia pavodle zakonu ahitacyju možna pačynać tolki z 17 vieraśnia. Treci ŭ akruzie — pradstaŭnik liberał-demakrataŭ.
Staršynia Partyi BNF Vincuk Viačorka zarehistravany pa Ŭschodniaj akruzie №107 Miensku. Hałoŭnym supiernikam V.Viačorki źjaŭlajecca člen savietu respubliki biznesoviec Uładzimier Kruk i siabar ŁDP hruzčyk Jaŭhien Daronin .
(…)
Lider Partyi kamunistaŭ Siarhiej Kalakin , jak i astatnija apazycyjnyja lidery, supierničaje z dvuma kandydatami, abodva — vykładčyki Nacyjanalnaha techničnaha ŭniversytetu. U Kołasaŭskaj akruzie №106 Miensku akramia S.Kalakina iduć namieśnik staršyni BSDH Valer Arcišeŭski i dekan architekturna-budaŭničaha fakultetu BNTU Halina Palanskaja , jakaja nazyvajecca kandydatam ad ułady.
(…)
Niefarmalnaha lidera deputackaje hrupy «Respublika» hienerała Valera Frałova ŭ Masiukoŭščynskaj akruzie «raźviali» na deklaracyjach.
(…)
Pa-za hulnioj apynuŭsia i kiraŭnik Biełaruskaj sacyjał-demakratyčnaj hramady Stanisłaŭ Šuškievič . Padstava — u jahonaj akruzie niama zarehistravanaje partyjnaje supołki.
Taki ž los napatkaŭ i staršyniu likvidavanaje Partyi pracy Alaksandra Buchvostava , jaki sprabavaŭ vyłučycca kandydatam u deputaty pa 95-j Vaśniacoŭskaj akruzie.
Poŭnaściu hety artykuł možna pračytać u papiarovaj i pdf-versii "Našaj Nivy"
Hleb Chmialnicki
Kamientary