Adzinaccaty tur čempijanatu Biełarusi pa futbole zaviaršaŭ matč miž mienskim “Dynama” i barysaŭskim BATE, jon staŭ adzinym vyniesienym na čaćvier, inšyja sustrečy prajšli na dzień raniej.
Adzinaccaty tur čempijanatu Biełarusi pa futbole zaviaršaŭ matč miž mienskim “Dynama” i barysaŭskim BATE, jon staŭ adzinym vyniesienym na čaćvier, inšyja sustrečy prajšli na dzień raniej.
Za časy niezaležnaha biełaruskaha čempijanatu hetaje supraćstajańnie stała najbolš pryncypovym. Stabilna i “Dynama”, i BATE ŭvachodziać u asnoŭnaje koła favarytaŭ pieršynstva, ale nia sioleta. U hetym čempijanacie kamandy znachodziacca na roznych palusach turnirnaj tablicy, BATE jaje ŭznačalvaje, a mienskaje “Dynama” – tolki ŭ druhoj pałovie.
Učorašniaja sustreča była adpaviednaj siońniašniaj sile klubaŭ, bo hulali nie dva lidery nacyjanalnaha pieršynstva, a favaryt i aŭtsajder.
Matč užo pačaŭsia, a ŭ fanackim sektary “Dynama” nie było nivodnaha čałavieka. Fany pačali źjaŭlacca na stadyjonie, kali lik užo byŭ adkryty. Pieršaja ž ataka BATE była vynikovaj. Kryviec akuratnym nizavym udaram nakiravaŭ miač u daloki vuhał bramaŭ Jurčanki.
Fanacki sektar na praciahu hulni byŭ samym maŭklivym na stadyjonie, adtul nie daniesłasia nivodnaj kryčałki. Fany patrabujuć adstaŭki kiraŭnika klubu Jurja Čyža. Jany ŭžo nakiravali list z takim patrabavańniem Łukašenku, pad zvarotam padpisałasia 1700 čałaviek.
Potym BATE zabiŭ jašče dvojčy. Hały na rachunku Bliźniuka i Žaŭnierčyka.
“Dynamaŭcy” sililisia, kab zabić chacia b hoł prestyžu, ale navat i heta ŭ ich nie atrymałasia. BATE, zdajecca, moh zabić i bolej, ale kamanda ŭ kancy matča pierajšła ŭ režym źbieražeńnia siłaŭ. Kančatkovy vynik 3:0.
Astatnija matčy turu prynieśli nastupnyja vyniki: “Naftan” – “Tarpeda” 1:1, “Daryda” – “Nioman” 0:1, “Homiel” – “Dynama” (Bieraście) 4:1, “Šachcior” – “Viciebsk” 1:2, MTZ-RIPA – “Smurhoni” 2:2, “Dniapro” – “Miensk” 0:0.
Turnirnaja tablica paśla adzinaccaci turaŭ vyhladaje nastupnym čynam: BATE – 27 punktaŭ, MTZ-RIPA – 21, “Nioman”, “Tarpeda” – pa 20, “Homiel” – 18, “Šachcior” – 15, “Smurhoni” – 14, “Viciebsk”, “Dynama” (Bieraście), “Dynama” (Miensk) – pa 12, “Naftan” – 11, “Dniapro” – 10, “Daryda”, “Miensk” – pa 8.
Najlepšy bambardzir Raman Vasiluk (“Homiel”) – 13 hałoŭ.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary