Heta było pad Iźmiram, u Turcyi. U pieršych čysłach kastryčnika try tuziny šachmatnych klubaŭ zmahalisia za honar zvacca najmacniejšymi ŭ Eŭropie.
Mienskaja «Viaśnianka» ŭ składzie Siarhieja Azarava, bratoŭ Žyhałak, Jurja Cichanava, Andreja Maluša i Michaiła Hinzburha zaniała 10-je miesca. U paraŭnańni ź letašnim klubnym pieršynstvom Eŭropy — prahres u niekalki pazycyj. Na žal, nia vyjechała ŭ Turcyju druhaja pa sile biełaruskaja kamanda «Vektar». Dyj na padarožža viaśniankaŭcaŭ hrošy było znajści niaprosta. Kiraŭnictva Biełaruskaj federacyi šachmat u rospačy z pryčyny abvieščanaha sychodu staršyni supołki, biznesoŭca Kanstancina Ivanova — «chto ž budzie nas finansavać?» Treba addać naležnaje impetnamu dziadźku Ŭładzimieru Hinzburhu, adkaznamu za rabotu z klubami, — bieź jaho kłopatu naŭrad ci «Viaśnianka» dabrałasia b da Turcyi. Ciapier u Iźmiry viedajuć pra piva «Alivaryja», bałazie jaho žyvoj reklamaj papracavali našy šachmatysty (byli adziety ŭ majki z adpaviednym nadpisam).
Poŭnaściu hety artykuł možna pračytać u papiarovaj i pdf-versii "Našaj Nivy"
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary