Nikoli jašče paspalityja biełarusy nia stavilisia tak pryjazna da pradstaŭnikoŭ demakratyčnaj apazycyi, jak ciapier.
Apazycyja mabilizavała pratestny elektarat, jaki pavieryŭ joj i pačaŭ demanstravać svaju niazhodu kankretnymi ŭčynkami.
Ci byŭ udzieł apazycyi ŭ vybarach «martyščynaj pracaj»? Moža, i praŭda varta było «Piaciorcy+», «Eŭrapiejskaj kaalicyi» i Sieviaryncu z kampanijaj dałučycca da kechepešnaha bajkotu? Usio adno, maŭlaŭ, mieli b tyja samyja vyniki.
Nie, nia tyja. Vyniki minułaj vybarča-referendumnaj kampanii nie takija ŭžo i kiepskija. Apazycyja prymusiła ŭładu pajści na masavuju falsyfikacyju padliku hałasoŭ. Vertykal pierastarałasia. Ličby absalutna nierealnyja. Apazycyja mabilizavała pratestny elektarat, jaki pavieryŭ joj i pačaŭ demanstravać svaju niazhodu kankretnymi ŭčynkami. Paviazanyja pa rukach i nahach kantraktnaj systemaj i zastrašanyja papiaredžańniami ab zvalnieńniach, ludzi vykazvali svoj pratest u kabinkach dla hałasavańnia. Jany dobra viedajuć, što ich, niazhodnych, było bolš.
Na idealahičnaj hadzinie ŭ klasie majho syna pačałasia sprečka vučniaŭ z nastaŭnicaj, jakaja kazała, što vyniki vybaraŭ i referendumu praŭdzivyja, a vučni nie zhadžalisia: nia moža hetaha być. Tady moj syn i kaža: kožny z nas amal dakładna adlustroŭvaje pohlady baćkoŭ, i dzie tyja bolš jak 70 adsotkaŭ, chto hałasavaŭ «za» ŭ našaj klasie? Heta pavinna być amal adnadušnaja padtrymka. Dy niama i 20 adsotkaŭ!
Heta zaŭvažajuć navat dzieci.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleś Arkuš
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary