«Mocny harešak 4.0»
Kruty palicejski MakŁejn viarnuŭsia, kab načyścić pysu kamputarnym terarystam.
Mocny harešak 4.0 (Live Free or Die Hard)
ZŠA, 2007, kalarovy, 135 chv.
Režyser: Len Ŭajzman
Roli vykonvajuć: Brus Ŭilis, Cimaci Alifant, Džaścin Łonh, Mehi Kju, Klif Kercis, Džanatan Sadoŭski, Endru Frydman, Kievin Śmit
Žanr: Bajavik
Adznaka: 6,5 (z 10)
Kiberterarysty abvalvajuć usiu kamputarnuju systemu Złučanych Štataŭ i palujuć za chakieram, jaki viedaje lišniaje. Stary palicejski vajaka Džon MakŁejn raźbirajecca z vorahami zvykłym metadam strełaŭ i vyśpiatkaŭ, a małady chakier stanovicca patencyjnym ziaciem…
Mienavita rola krutoha kopa MakŁejna naprykancy 80-ych vyvieła Brusa Ŭilisa ŭ pieršyja halivudzkija šerahi. Brudnaja sakołka-“alkahalička”, žartački, mnohija ź jakich prydumaŭ sam Ŭilis, i surjoznaje mačyłava kiepskich dziadziek, mieli pryjemny praciah u druhim i trecim “Mocnym harešku”.
Ale čas idzie, kinaniahodniki nia śpiać u šapku; dla čarhovaha vyratavańnia iznoŭ spatrebiŭsia MakŁejn, jakomu, z ulikam siońniašnich technalohij dadali žeŭžyka-pamahataha.
50-hadovy Brus Ŭilis šče nie zhubiŭ formy; mnohija bojki zdymalisia nasamreč, a kaskadzior, jaki dublavaŭ Ŭilisa nat złamaŭ ruki. Ale heta nia vyratavała karcinu ad paprokaŭ u “fantastyčnaści”.
U stužcy Lena Ŭajzmana, jaki prasłaviŭsia “vaŭkałačna-vampirskaju” kałatniečaj u “Druhim śviecie”, atrakcyjon idzie za atrakcyjonam. Kamputary vybuchajuć, streły, mašyna źbivaje hielikopter (!), dvuboj ciažkavika j źniščalnika (!!). Zvalicca ź vierchatury j skakać, jak zajčyk, zamiest pryjomaŭ kun-fu – kułakom u mordu, pažartavać, papierabivać usich złydniaŭ…
I nia varta kryčać, što MakŁejn – zanadta “kamputarny”. A chto jahonyja vorahi? – Chłusy virtualnaj prastory, jakija imitujuć padryŭ amerykanskaha Kanhresa i pałochajuć lud vuhlikam, jakoha niama. Siecievyja piraty-hienii, čyja praca – fikcyja.
Nievierahodnyja pryhody “Mocnaha hareška” na hetkim tle nie takija ŭžo j dzivosnyja. Dyj status bajevika abaviazvaje da vybuchaŭ, padzieńniaŭ i niemahčymych tancaŭ na kryle “F-16”.
Hladzicie niakiepski ekšn, badziory benefis MakŁejna-Ŭilisa.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary