Volski: Budzie taki kabare‑albom satyryčnych piesień, jaki vyjdzie chutčej za ŭsio napačatku vieraśnia.
Lavon Volski siońnia vystupiŭ na festyvali «Miesiac aŭtarskaha čytańnia» ŭ Brno, dzie aproč piesień prezentavaŭ i prozu. Paśla jahonaha vystupu my paprasili jaho padzialicca svaimi ŭražańniami dla našaha Radyjo.
Volski: «U mianie takija fieeryčnyja ŭražańni, bo ja redka biaru ŭdzieł u litaraturnych sustrečach. Tut ja navat mienš śpiavaŭ, čym čytaŭ. Jak havorać amerykanskija biełarusy, ja byŭ vielmi ŭściešany».
Znatkievič: «Jak udałosia pieraadoleć moŭny barjer?»
Volski: «Siarhiej Smatryčenka ŭsio pierakładaŭ, tamu mocnaha moŭnaha barjeru i nie było. Pierakład tekstaŭ, jakija ja čytaŭ i śpiavaŭ, išoŭ na ekranie, i reakcyja publiki była adekvatnaja — kali było śmiešna, śmiajalisia, kali było sumna — płakali».
Znatkievič: «Padčas vystupleńnia vy havaryli pra novy albom, jaki vy ŭžo zapisali i jaki vyjdzie ŭ vieraśni…»
Volski: «Ja kazaŭ ekśluzyŭna dla českaj publiki… Budzie taki kabare‑albom satyryčnych piesień, jaki vyjdzie chutčej za ŭsio napačatku vieraśnia. Nazvu nia budu kazać, bo jana nia toje što niecenzurnaja, ale davoli taki niebiaśpiečnaja».
Znatkievič: «Heta budzie vaš solny prajekt?»
Volski: «Absalutna solny».
Alaksiej Znatkievič, Radyjo Svaboda
Kamientary