Biełaruś pieratvarajecca ŭ zakrytaje akcyjanernaje tavarystva, dzie hałoŭnaja dola naležyć adnamu akcyjaneru, a hramadzianie zastajucca šarahovymi supracoŭnikami.
Haspadarčy hod-2004 prajšoŭ pad znakam dziaržavy. Sioleta nie było anivodnaj značnaj padziei ŭ ekanomicy, u jakoj dziaržava nie adyhryvała b viadučaj roli.
Hod pačaŭsia sa skandału. 1 studzienia «Hazprom» spyniŭ pastaŭki hazu dla biełaruskich spažyŭcoŭ (choć i praciahvaŭ tranzyt na Zachad). U noč na 24 studzienia ventyli pierakryli niezaležnyja pastaŭščyki «Itera» dy «Transnafta». U lutym «Hazprom» spyniŭ navat tranzyt, całkam pazbaviŭšy Biełaruś błakitnaha paliva. «Heta akt teraryzmu!» — aburyŭsia Alaksandar Łukašenka.
Urešcie, «Itera» ŭziałasia pakryć patreby Biełarusi ŭ hazie. Ale «hazpromaŭski» kantrakt padpisali tolki ŭ červieni: pahadzilisia na canie na haz u 46,68 dalara za 1000 m3 dy tranzytnaj staŭcy, roŭnaj 0,75 dalara za 1000 «kuboŭ» na 100 km. «Biełtranshaz», hałoŭny abjekt sprečki, tak i zastaŭsia ŭ biełaruskaj ułasnaści.
Hod skončyŭsia tak sama, jak i pačynaŭsia — hazavymi pieramovami. Urešcie, «Hazprom» zmusiŭ Biełaruś padpisać kantrakt na pastaŭku hazu ŭ Biełaruś pa staroj canie 46,68 dalara za 1 tys. kubametraŭ. Słova «zmusiŭ» vykarystaŭ vice-premjer uradu Andrej Kabiakoŭ. Reč u tym, što cana naminalna nie źmianiłasia, ale, pa sutnaści, padvysiłasia praź pierachod Biełarusi dy Rasiei na spahnańnie ŭskosnych padatkaŭ pavodle pryncypu krainy pryznačeńnia. Ciapier «hazavy» PDV (18%) budzie spahaniać nie Rasieja, a Biełaruś sa svajho ž «Biełtranshazu», z-za čaho cana na haz dla našych spažyŭcoŭ moža pajści ŭharu.
Navučanaja «hazavatam», Biełaruś uvieś hod zakuplała ŭ Rasiei mazutu. Nazapasili stolki, što navat časova admovilisia ad impartu elektraenierhii, a vyrab ułasnaj padvysili na 21%. Uznavili impart elektryčnaści tolki 1 kastryčnika. Kali ŭ 2003 h. my impartavali 7 młrd kVt/hadz, dyk u 2004 h. — tolki 4.
Pytańni enerhietyčnaje biaśpieki i pasłableńnia zaležnaści da pastavak enerhanośbitaŭ z Rasiei pierajšli z paradku hodu 2004-ha na 2005-ty.
Pradprymalniki — siła
U lutym abvieścili haładoŭku 30 pradprymalnikaŭ viciebskich rynkaŭ. Ich handlovyja kropki zahadali pieravieści ŭ razrad kramaŭ, z patrebaj vieści adpaviednuju dakumentacyju, mieć sertyfikaty, nabyvać kasavyja aparaty. Nieŭzabavie cełymi rynkami padnialisia na strajk pradprymalniki z Voršy, Homielu, Horadni, Mahilovu, Marjinaj Horki, Miensku, Pinsku, Salihorsku. Łukašenka zaniepakoiŭsia dy zahadaŭ «razabracca». U Viciebsk terminova vyjechała delehacyja staličnych čynoŭnikaŭ. Paśla peŭnych sastupak i pasłableńniaŭ haładoŭka była spynienaja. Ale kanflikt kančatkova nia vyčarpany j dahetul.
Poŭny varyjant artukułu čytajcie ŭ papiarovaj i pdf-versii haety "Naša Niva"
Aleś Kudrycki
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary