U Polščy ci Niamieččynie konkurs «Eŭrabačańnie» mała kaho cikavić, i hetyja krainy pradstaŭlajuć druharadnyja vykanaŭcy, zvyčajna ŭ styli «dyska». U byłym SSSR trapić na «Eŭrabačańnie» — pytańnie prestyžu i intryh. Adborami kirujuć dziaržaŭnyja čynoŭniki, a svaich kandydataŭ łabirujuć najbujniejšyja pradusarskija ahienctvy.
Nie abychodzicca biez palityki. Ukrainu sioleta pradstavić rep-himn Aranžavaj revalucyi, Małdovu — nacyjanalnyja kumiry, a pamiž Rasiejaj i Biełaruśsiu adbyłasia muzyčnaja intehracyja. Nie na našu karyść.
Na festyval «Eŭrabačańnie» ad Ukrainy była vybrana hrupa «Greenjolly» ź Ivana-Frankoŭsku ź pieśniaj «Razam nas bahata», a ad Małdovy — tvor «Bunica bate doba» ŭ vykanańni «Zdob si Zdub». Rasieja ž i Biełaruś prapanujuć da ŭvahi eŭrapiejskich hledačoŭ pop-standarty. Praŭda, roznaha hatunku.
Palitrep na «Eŭrabačańnie»!
Vyniki vybaru pieśni na «Eŭrabačańnie» ad Ukrainy źjavilisia sapraŭnaj niespadziavankaj. Pieramohu ŭ adboračnym tury pradkazvali Ani Łorak, ale ŭ apošni momant da śpisu vystupoŭcaŭ ź inicyjatyvy novaha kiraŭnictva teleradyjokampanii dałučylisia jašče niekalki vykanaŭcaŭ. Siarod ich byli hieroi Majdanu «Greenjolly» — dva chip-chopery ź Ivana-Frankoŭsku, paŭhodu tamu nikomu nie viadomyja. Muzyki zaśpiavali «Razam nas bahata» i nabrali 2247 hałasoŭ (Ani Łorak — druhaja z 1952 hałasami). Možna asprečvać mastackija vartaści vybranaha muzyčnaha tvoru, ale toje, što jon źjaŭlajecca hałoŭnaj ukrainskaj pieśniaj hetaj zimy, — fakt biassprečny.
Besarabski rok-n-roł
U Małdovie adboračny konkurs prajšoŭ biez skandałaŭ, ale vyniki jaho taksama akazalisia dosyć niečakanyja. Žury spyniła svoj vybar na hrupie «Zdob si Zdub» — pastajannym udzielniku eŭrapiejskich alternatyŭnych festaŭ. Rok-kamandy na konkursach pop-pieśni pośpiechu nia majuć, ale pra «Zdob si Zdub» — havorka asobnaja. Asnova ich tvorčaści — małdaŭski falklor.
Poŭny varyjant čytajcie ŭ papiarovaj i pdf-versii hazety "Naša Niva"
Siarhiej Budkin
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu8
Kamientary