«Savieckija vojski ŭratavali nas ad vyniščeńnia, ale prynieśli nam niesvabodu», — takaja acenka 1945 hodu zdajecca spraviadlivaj Vojciechu Jaruzelskamu. «Savieckaja armija vyzvaliła Estoniju ad nacysckaj akupacyi, ale pačałasia novaja akupacyja, nastupstvy jakoj — trahičnyja dla estonskaha narodu», — kaža inšy veteran, prezydent Estonii Arnold Rujtel. 60-hodździe Pieramohi — nahoda dla ŭzirańnia ŭ historyju. Narody Centralnaj Eŭropy vykarystoŭvajuć jaje, kab nahadać: jany byli raźmiennymi manetami ŭ hulni mahutnych susiedziaŭ. Ale heta nie pavinna bolš paŭtarycca. Akupacyi, vojny, niavola — nikoli bolej. I jany dabilisia ad ZŠA i Eŭropy pavahi da svajho bačańnia historyi.
Pucin i Łukašenka vykarystoŭvajuć jubilej u pryvatnych palityčnych metach. Adzin — dla apraŭdańnia imperskich pretenzij. Druhi — kab uzmacnić dyktaturu. A ludzi ž nie za dyktaturu vajavali. Spekulujučy Pieramohaj, palitykany kraduć jaje sens. Biełaruś była kinutaja Stalinym u pašču nacystam. U Rasiei žyćcio sałdata nie kaštavała ničoha. Toj, chto chavaje hetuju niazručnuju histaryčnuju praŭdu, ničoha nie navučyŭsia i ničoha nia pamiataje.
Kamientary