Słonimski palanez
U Słonimie vyjšaŭ litaraturny almanach «Pad huki palanezu», kudy ŭvajšli tvory siamnaccaci miascovych aŭtaraŭ — siabroŭ litabjadnańnia imia Anatola Iviersa. Pradmovu da zbornika napisała Danuta Bičel.
￭
Pomnik pisancy
Va ŭkrainskaj vioscy Bratkaŭcy (Lvoŭskaja vobłaść) na Pakrovy adkryjuć pomnik vielikodnamu jajku — pisancy. Sam pomnik pastavili piać hadoŭ tamu, na 2000-hodździe Chrystovaha naradžeńnia, ale tady zabrakavała hrošaj na kančatkovuju «davodku».
AV
￭
Kraina Litva
U Litvie pabačyła śviet novaje hrandyjoznaje vydańnie — kniha «Historyja staražytnaj Litvy. 1009—1795 hady», analah našaj «Krainy Biełarusi».
Heta vialikaja dla našych susiedziaŭ padzieja adznačałasia na adpaviednym uzroŭni. Prezentacyja prajšła ŭ paniadziełak, u biełaj zali Pałacu prezydenta z asabistym udziełam Vałdasa Adamkusa, jaki j adčyniŭ uračystaść. Z honaram pramaŭlali aŭtar, viadomy prafesar Alfredas Bumbłaŭskas, i vydaviec, Rajmondas Paknis. Praca nad knihaj zaniała 9 hadoŭ, a jaje vynikam staŭ falijant u 488 staronak i bolš za 1300 ilustracyj. Tvorčy kalektyŭ zrabiŭ jaje dla ŭsich katehoryj hramadzian, starajučysia, kab «jana była jak televizar z dystancyjnym pultam kiravańnia: nie padabajecca — pieraklučaješ kanały», — skazaŭ u pramovie A.Bumbłaŭskas. Pakul kniha tolki pa-niamiecku, ale planujecca pieravydańnie na anhielskaj i polskaj movach.
Dzianis Ramaniuk
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary