Пасля таго як «Нашай Ніве» і «Народнай волі» было прапанавана вярнуцца ў дзяржаўную сістэму распаўсюду, рэдактар «Бабруйскага кур’еру» меў гутарку з начальнікам Дэпартаменту друкаваных СМІ Мінінфармацыі.

Нагадаем, што амаль два гады таму «Белсаюздрук» спыніў супрацоўніцтва з выданнем. Пасля таго як «Нашай Ніве» і «Народнай волі» было прапанавана вярнуцца ў дзяржаўную сістэму распаўсюду, рэдактар «Бабруйскага кур’еру» меў гутарку з начальнікам Дэпартаменту друкаваных СМІ Мінінфармацыі.

«Мне было заяўлена, што Міністэства інфармацыі не мае ніякіх прэтэнзій да выдання. З гутаркі я зрабіў выснову, што мы маем надзею аднавіць распаўсюд пра сістэму «Белсаюздрук» да канца снежня» -- паведаміў галоўны рэдакатар «БК» Анатоль Санаценка.

Сёння на «Бабруйскі кур’ер» можна падпісацца ў любым паштовым аддзяленні, газету ўключылі ў падпісны каталог на наступны год. Набыць газету можна ў паштовых аддзяленнях гораду і раёну, у Рэдакцыі, а таксама ў прыватных распаўсюднікаў. Выходзіць «БК» па серадах, наклад складае каля 2000 асобнікаў.

«Бабруйскі кур’ер» пачаў выдавацца ў 1914 годзе. Першым выдаўцом і рэдактарам быў Гілер Фрыдлянд, уладальнік бабруйскай друкарні, тэатру і цырку. З прыходам да ўлады ў 20-х гадах мінулага стагоддзя бальшавікоў газета была зачыненая. Аднавіла выхад у 1991 г. Сёння гэта незалежнае штотыднёвае грамадска-палітычнае выданне, друкуецца на беларускай і расійскай мовах.

Хочаш падзяліцца важнай інфармацыяй ананімна і канфідэнцыйна?