Новыя «Дуду» і «Асцярожна: дзеці!». Прафесіі будучыні і ўсё пра сабак
Новыя «Дуду» і «Асцярожна: дзеці!» у кіёсках, кнігарнях, гіпермаркетах і на поштах. Коміксы, настолкі, конкурсы — каб дзеці з захапленнем чыталі па-беларуску.
У «Дуду» гэта №2 за 2021 год, а ў «Асцярожна: дзеці!» №1 за 2021 год.
У нумары «Асцярожна: дзеці!» — новы комікс з прыгодамі, які гэтым разам называецца «Небяспечны эксперымент»…
…настолка «Касмічная папялушка»…
…рэцэпт булачак з карыцай і апавяданне з цыкла «Расследуюць дзеці» — «Загадка чыпа RR1419».
Нагадаем, што ў «Асцярожна: дзеці!» галоўныя героі — Цім, Мара, сабака Газ, кот Тормаз і Занадта Разумны Смартфон — разблытваюць розныя дэтэктыўныя гісторыі.
І заадно разам з чытачамі спазнаюць свет. У часопісе — і карысная інфармацыя, і захапляльныя прыгоды, і заданні, якія трэба выканаць, і конкурсы, у якіх можна перамагчы, і QR-коды, па якіх можна будзе выйсці на старонкі ў інтэрнэце з цікавай інфармацыяй.
Купляйце і чытайце! А найлепш — выпісвайце! Гэта самы выгадны варыянт. Падпісны індэкс «Асцярожна: дзеці!» — 75080 (ведамасны 750802).
У «Дуду» гэтым разам гульня «Ствары сваю гісторыю», мілая казка Дар'і Зубовіч «Як Рэкс шкоднікаў правучыў», комікс «Сабакі-сябры»…
…і, вядома, новая Пластыляндыя: Танака сустрэў бяздомнага сабачку.
Купляйце і чытайце! А найлепш — выпісвайце! Гэта самы выгадны варыянт. Падпісны індэкс «Дуду» — 75081 (ведамасны 750812).
Нагадаем, што папярэднія нумары часопісаў былі прысвечаныя віртуальнай рэальнасці, зоркам і космасу, правам звяроў, катам і вірусам, метро і булачкам, вадзе і марожанаму.
Калі часопісаў не засталося ў шапіках, пытайцеся ў гіпермаркетах, а таксама ў кнігарнях:
Вось агульны спіс кнігарань, дзе можна знайсці нашы часопісы ў розных гарадах:
Мінск
«Акадэмкніга» (на станцыі метро «Акадэмія навук»)
Філіял «Акадэмкнігі» на Багдановіча, 46
«Галіяфы» (вул. Няміга, 3, крама №47 на цокальным паверсе)
Кніжны кірмаш па вул. Даўмана, 23 (субота 00.00-14.00), месца 78б
Комментарии