Слуханьне крымінальнай справы ў дачыненьні да былога першага намесьніка начальніка галоўнага ідэалягічнага ўпраўленьня Адміністрацыі прэзыдэнта Ўладзіміра Холада пачнецца 19 лістапада.
Судовы разбор будзе праходзіць у закрытым рэжыме.
Расследаванне крымінальнай справы праводзілася ў Галоўным упраўленні папярэдняга расследавання МУС. У Вярхоўны суд яно было адпраўлена 25 верасня.
Нагадаем, былому буйному чыноўніку Адміністрацыі прэзідэнта ставіцца ў віну падбухторванне да дачы хабару ў буйным памеры, замах на завалоданне маёмасцю шляхам махлярства ў асабліва буйным памеры і махлярства, учыненае паўторна, у асабліва буйным памеры.
У.Холада затрымалі супрацоўнікі міліцыі 30 чэрвеня 2007 года. 9 ліпеня яму было прад’яўлена абвінавачанне.
Указам прэзідэнта 16 ліпеня Уладзімір Холад быў вызвалены ад пасады члена Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, на якой знаходзіўся з 26 снежня 2006 года.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве10
Каментары