У Бярозе хлопец траціў грошы з банкаўскага рахунку калегі. Злачынцу пакаралі, але ён працягнуў красці
У верасні мінулага года жыхар Бярозы не змог атрымаць доступ да свайго інтэрнэт-банкінгу і звярнуўся ў банк. Кліенту паведамілі, што з яго асабовага рахунку рэгулярна праводзіліся плацяжы. Тады мужчына звярнуўся па дапамогу ў міліцыю.
Аказалася, што адзін з калегаў па працы ўзяў мабільны тэлефон заяўніка і пераадрасаваў паслугу на свой гаджэт. 23-гадовы малады чалавек завалодаў доступам да рахункаў і банкаўскіх аперацый свайго знаёмага.
Некалькі месяцаў хлопец марнаваў чужую зарплату. Невядома, колькі б яшчэ 43-гадовы мужчына працаваў «за двух», калі б яму не спатрэбілася гэтая мабільная праграма.
Аднак нават пасля таго, як мужчыну пакаралі, ён зноў выкраў з карт-рахунку таго ж калегі больш за 700 рублёў.
Пасля здарэння пацярпелы памяняў карту, але даныя мабільнай банкаўскай паслугі засталіся ранейшымі. Гэтым і скарыстаўся злачынец.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары