Кіроўцу мінівэна, у якім разбіліся чацвёра чалавек у Лідскім раёне, асудзілі на чатыры гады
Вярхоўны суд паведаміў, чым скончылася рэзанансная справа аб аўтамабільнай аварыі, у якой загінулі адразу чацвёра чалавек.
Здарэнне адбылося 23 лістапада 2024 года. 62-гадовы кіроўца ехаў на мінівэне Opel Zafira па трасе М6 Мінск — Гродна. У салоне таксама знаходзіліся яго жонка і чацвёра яе сваякоў, уключаючы двух дзяцей 2007 і 2017 гадоў. Малодшы з іх не быў прышпілены рамянём бяспекі.
Кіроўца знаходзіўся ў стомленым стане і на ўчастку дарогі ў раёне вёскі Біскупцы Лідскага раёна заснуў за рулём. Аўтамабіль на хуткасці вылецеў з трасы, наехаў на агароджу бяспекі і перакуліўся. Момант аварыі трапіў на камеры назірання. Чацвёра пасажыраў, уключаючы дзяцей, загінулі на месцы, яшчэ адзін 51-гадовы пасажыр атрымаў цяжкія цялесныя пашкоджанні. Кіроўца таксама застаўся жывым.
Следства ўстанавіла, што кіроўца не спаў больш за 12 гадзін і неаднаразова скардзіўся на стомленасць, пра што сведчылі яго спадарожнікі. Нягледзячы на гэта, ён працягнуў рух, што прывяло да трагедыі. Ён расказаў, што напярэдадні сустрэў сваякоў з Віцебскай вобласці на вакзале, пасля чаго яны накіраваліся ў Смаргонь на прысягу пляменніка яго жонкі. На зваротным шляху ён адчуў стомленасць, але не спыніўся, што і стала прычынай аварыі. У судзе абвінавачаны прызнаў віну.
У выніку абвінавачаны прызнаны вінаватым у парушэнні ПДР, і на падставе ч. 3 арт. 317 КК яму прызначана пакаранне чатыры гады калоніі агульнага рэжыму, з пазбаўленнем права займацца дзейнасцю, звязанай з кіраваннем транспартнымі сродкамі, на тэрмін 5 гадоў.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»7
Каментары