Салігорск будуе шосты руднік
«Беларуськалій» плянуе ў наступным годзе распачаць будаўніцтва шостага рудніка. Ён будзе невялікай магутнасьці — 1,5 млн тон руды ў год і будзе ўведзены ў 2007 г. Аб’ёмы вытворчасьці цяпер складаюць 8 млн тон у год. Рэсурсы першага й другога руднікоў, якія працуюць з 1963 г., хутка будуць вычарпаныя.
Візыт прэм’ера Малдовы
Беларуска-малдаўскі таваразварот у 2006 г. мае скласьці $200 млн (сёлета — $100 млн). Пра гэта вялася размова падчас візыту ў Менск малдоўскага прэм’ер-міністра Васіля Тарлева. Сёлета ў Менску мяркуецца стварыць «Дом віна» — недзяржаўнае прадпрыемства, пад кантролем якога будзе 75% малдаўскага віна, імпартаванага ў Беларусь.
Яшчэ аўтобусаў!
Сёлета «Менсктранс» набыў 170 аўтобусаў, 52 тралейбусы, 8 трамвайных вагонаў і 24 вагоны мэтро агульным коштам 90 млрд руб.
Чарговы GSM-рэкорд
Колькасьць карыстальнікаў-абанэнтаў GSM-сувязі ў Беларусі перасягнула адзнаку ў тры з паловай мільёны. На 1 кастрычніка колькасьць абанэнтаў МТС у краіне склала 1 млн 860 тыс., а Velcom — 1 млн 645 тыс. Доля МТС на рынку мабільнай сувязі складае 51,6%, Velcom — 45,6%, «БелСэл» — 2,8%.
Прагнозы спраўдзяцца
Рост ВУП чакаецца на ўзроўні ад 9—9,5%, што адпавядае плянам Міністэрства эканомікі, але ў сельскай гаспадарцы рост складзе толькі 3%, запаволіцца рост вытворчасьці спажывецкіх тавараў.
ЗД
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў5
Каментары