Белстат: Сярэднестатыстычны эмігрант — 27-гадовы адукаваны мінчук, а прыезжы — расійскае немаўля
Летась у Беларусь прыехала жыць 18 тысяч чалавек, а з’ехала — амаль 9 тысяч.
Згодна са статыстыкай, у Беларусь штогод прыязджаюць дзясяткі тысяч чалавек. З’язджаюць —
калі эмігрант не «выпісваецца» са сваёй кватэры, ён эмігрантам не лічыцца.
Такім чынам, паводле падлікаў Белстата,
летась у краіну прыехала 18040 новых жыхароў.Найбольшая колькасць з іх асела ў Мінску, на Брэстчыне і Гомельшчыне (па 3100–3200). Адкуль едуць гэтыя «новыя беларусы»?
Найбольш — з Расіі (8 560 чалавек, 47%) і Украіны (2258 чалавек, 13%). Далей ідуць Казахстан і Туркменістан. Раней у тройку першых уваходзіла Літва, аднак цяпер яна адкацілася ніжэй.
Зрэшты, кожны трэці прыезжы — грамадзянін Беларусі. Часцяком гэта студэнты, якія адвучыліся ў замежных ВНУ.
У той жа час з краіны выехала 8 712 чалавек. Кожны чацвёрты ўцякач — мінчук.Куды яны з’язджаюць? Найбольшая колькасць — у тыя ж Расію (5493 чалавекі, 63%) і Украіну (703 чалавекі, 8%). На далейшых пазіцыях Германія, Ізраіль, Літва, ЗША і Польшча.
Аднак у цэлым міграцыйныя страты (тых, хто з’ехаў, больш чым тых, хто прыехаў) назіраюцца толькі ў дачыненні Ізраіля ды Германіі.
Калі паглядзець на ўзрост імігрантаў, то атрымліваецца неверагодная з’ява.
Кожны шосты чалавек прыезжы… гэта малое дзіця!Штогод немаўлятаў і малых (0–4 гады) прывозілі па 600 чалавек, а летась — ажно 3 тысячы. Ці не памылка гэта? У Белстаце «Нашай Ніве» пацвердзілі: усё слушна. Прычым такая карціна нібыта фіксуецца па ўсёй краіне.
А з’язджаюць перадусім
* * *
Дадзеныя аб міграцыі бяруцца з лісткоў прыбыцця і ўбыцця, якія запаўняюцца пры рэгістрацыі ў кватэры ці прыватным доме. Калі замежныя грамадзяне і асобы без грамадзянства пражываюць у Беларусі больш за год, на іх таксама запаўняецца талон міграцыйнага ўліку.
Каментары