Лідар кампаніі «Наш дом» неадназначна выказалася аб сваім удзеле ў прэзідэнцкіх выбарах.
У суботу 24 жніўня Вольга Карач правяла
Шмат увагі было надзелена кампаніі «Еўрарамонт», што абвясціў «Наш дом». Карач падкрэсліла, што гэта грамадзянская, а не палітычная кампанія. «Мы не ставім палітычных мэтаў», — сказала Вольга.
Карач паспрабавала абвергнуць чуткі, што яна цяпер не жыве ў Беларусі, а за мяжой. «Я ў Вільні не жыву, і мяне тут ніхто не ўтрымлівае. У нас ёсць офіс у Вільні, толькі таму, што некаторыя рэчы нельга рабіць у Беларусі, бо будзе побач шмат міліцыі і спецслужб. Я не пражываю на тэрыторыі замежнай дзяржавы».На пытанне, хто каманда кампаніі «Наш дом» Вольга Карач адказала, што «гэта нераўнадушныя людзі». Потым пералічыла прозвішчы Шчукіна, Левінава, Аксёнава, Петрушэнкі.
Адносна размяшчэння расейскай вайсковай базы на тэрыторыі Беларусі быў наступны адказ: «Магчыма быць незалежным, толькі, калі незалежны эканамічна. Трэба быць чэснымі, што сёння Беларусь эканамічна залежыць ад Расіі.
Калі падымаем пытанне пра вайсковыя базы, то гэта пытанне друснае. Першаснае, як зрабіць, каб беларуская эканоміка стала самастойнай. Сёння Беларусь, як адзін вядомы прадмет у палонцы, то нас прыбівае да Еўрасаюза, то — да Расіі.Нам трэба выпрацаваць адзінае бачанне, адзіную сістэму. Каб не было так, што сёння выганяем, заўтра — вяртаем, паслязаўтра — зноў выганяем».
Адносна сваіх прэзідэнцкіх амбіцый Вольга паспрабавала сысці ад адказу.
«Яшчэ 2013 год, а не2015-ы . Усё вельмі залежыць ад жадання беларускага народа і падтрымкі народа. Усё, што мы робім гэта не для прэзідэнцкай кампаніі. „Еўрарамонт“ не пачатак прэзідэнцкай кампаніі».
«Калі б я захацела зарабіць, то з’ехала б у Еўрасаюз ці Расію. У мяне ёсць пэўныя ідэі, якія б я хацела рэалізаваць у жыцці. Мне важна, што будзе з Беларуссю праз 100 гадоў.
Сёння сітуацыя такая, што праз 100 гадоў не застанецца ніводнага прадстаўніка беларускай нацыі. А мне хацелася, каб праз 100 гадоў, калі нас не будзе ў жывых, Беларусь была багатай, паважанай дзяржавай. Я хачу, каб такая праграма была створаная. Я не хачу жыць дзеля шмотак, ці машын. Гэта проста нецікава. Давайце падумаем, што застанецца пасля нас», сказала Вольга.
Напрыканцы анлайна прыйшла наступнае пытанне: «Большасць насельніцтва нашай краіны не здольная дзейнічаць і мысліць самастойна. Каб іх аб’яднаць патрэбны моцны лідар. Ці гатовыя вы ім стаць?»
«Так, гатовая», — быў адказ.
Карач яшчэ прапанавалі памарыць, якія першыя крокі яна зрабіла, каб стала прэзідэнтам: «1. Эканамічную рэформу (прычым не ўдавалася асабліва ў падрабязнасці, у чым яна будзе заключацца) 2. Забеспячэнне свабоды слова 3. Змены ў выбарчым заканадаўстве».
Цяпер чытаюць
Каардынатара пошукавага атрада «Анёл» пасадзілі за палітыку2
Каментары