Кіраўнік расійскай дзяржавы Уладзімір Пуцін павіншаваў свайго беларускага калегу Аляксандра Лукашэнку з Новым годам, паведамляецца на афіцыйным сайце прэзідэнта Расіі.
Акрамя Лукашэнкі ў віншавальным тэксце расійскі лідар згадаў яшчэ прыблізна 40 дзяржаўных дзеячаў замежных краін.
Пуцін віншаваў па алфавіце, таму віншаванне Лукашэнку размясцілася паміж кіраўнікамі Арменіі і Бразіліі.
Пуцін адзначыў, што гэты год для расійска-беларускіх адносін «быў вельмі паспяховым». «Дзякуючы зладжаным намаганням ажыццяўлялася эфектыўнае ўзаемадзеянне ў фармаце Саюзнай дзяржавы, Мытнага саюза і Адзінай эканамічнай прасторы, працягвалася планамерная праца па стварэнні Еўразійскага эканамічнага саюза, плённа прайшлі мерапрыемствы па лініі старшынства Рэспублікі Беларусь у СНД».
Цікава, што сярод тых, каго павіншаваў Пуцін — прэзідэнт непрызнанай большасцю краін Абхазіі Аляксандр Анкваба, а таксама прэзідэнт Паўднёвай Асеціі Леанід Цібілаў.
Цяпер чытаюць
Трагедыя ў Барысаўскай бальніцы: унучка пацыента кажа, што на яго звярнулі ўвагу праз шэсць гадзін, калі ўжо пена пайшла з рота — ён памёр15
Каментары