На публіку Віктар Януковіч быў палымяна праваслаўным. Але пры гэтым у яго шмат гадоў была грамадзянская жонка — Любоў Паляжай — ураджэнка Енакіева (Данецкая вобласць).
Гэтая жанчына — родная сястра кухаркі Януковіча.
Пра гэта ў сваім Facebook паведаміў журналіст Сяргей Лешчанка.
«Добра, раз рэвалюцыянеры пабывалі ў Хонцы і ўсе пабачылі, то час назваць рэчы сваімі імёнамі. Такім чынам, перад вамі грамадзянская жонка былога ўкраінскага лідара Віктара Януковіча — ураджэнка Енакіева Любоў Паляжай, — піша Лешчанка. — Яна родная сястра яго кухаркі Надзеі Марынцавай, пра якую мы пісалі, калі расследавалі дзіўны склад пасажыраў чартара Януковіча ў Давос.
Януковіч і Паляжай ўжо шмат гадоў разам, пры гэтым Януковіч афіцыйна не разведзены са сваёй Людмілай», — напісаў Лешчанка.
Людміла Януковіч заставалася пражываць у Данецкай вобласці.
Як і большасць прэзідэнтаў на постсавецкай прасторы, Віктар Януковіч трымаў сваё прыватнае жыццё за заслонай сакрэтнасці. Пры гэтым ён прыўлашчваў дзяржаўныя сродкі мільярдамі і знішчаў палітычных праціўнікаў.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)