У інтэрнэце з'явілася відэа, знятае 5 жніўня на паркоўцы будаўнічага гіпермаркета «Мацярык». У ім паказана, як мінчанін паспрабаваў пагутарыць з «лахатроншчыкамі».
Спачатку ў кадры з'яўляецца сумніўнага выгляду чалавек, які спрабуе прадаць аўтару відэа нібыта планшэт Samsung, набыты ў Варонежы. На самай справе девайс апынуўся кітайскай падробкай, што аўтар відэа адразу зразумеў. Пачуць у кадры цану, якую папрасіў «прадавец», на жаль, не ўдалося. Аператар просіць паказаць планшэт ў камеру, аднак «прадавец» уцякае, забраўшы з сабой гаджэт.
«Дай угадаю! Кітай, 30 даляраў па закупцы, а то і 15!» — кажа мінчанін за кадрам. «Прадавец» хавае планшэт у пакет і спрабуе сысці, паўтараючы, што мінчук «ненармальны».
«Хто вам гэтыя планшэты пастаўляе?», - пытаецца мінчанін і чуе ў адказ: «Магазін!» «Які магазін?» - «Звычайны!». «Горад Варонеж, «Еўрасець»? Пакажыце ваш чэк!» — працягвае насядаць аператар, і тут у кадры з'яўляецца каўказец, які прымушае выключыць камеру, пагражаючы аўтару відэа. «Гэта значыць, вы наймаеце вось такіх людзей, так? Адкуль прыехалі? » — пытаецца мінчанін. «Ты сабе праблем хочаш? Я зараз некуды пазваню!» — кажа каўказец. Мінчук не губляецца: «У мяне таксама ёсць тэлефон! 102, хочаш, следчаму пазваню?» На гэтым відэа абрываецца. У каментары пад відэа яго аўтар паведаміў, што «прадаўцы» селі ў «Ладу» з расійскімі нумарамі 123-га рэгіёна (Краснадарскі край) і з'ехалі з паркоўкі.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы15
Каментары