Аўтар патэрыяны Джоан Роўлінг здзіўленая увагай прыхільніц да персанажа Драка Малфоя, які паводле сюжэту з'яўляецца ворагам Гары Потэра. Новую гісторыю пра Малфоя пісьменніца апублікавала на сайце Pottermore.com, прысвечаным серыі сваіх раманаў.
Роўлінг лічыць, што Малфой не варты такой увагі з боку дзяўчат, бо яго маральныя якасці і паводзіны пакідаюць жадаць лепшага.
Па словах пісьменніцы, ёй даводзілася трымаць сябе ў руках, калі яна бачыла вялікую колькасць лістоў з просьбай распавесці пра гэтага героя. «Мяне нервуе яго папулярнасць», - дзеліцца аўтар патэрыяны.
На яе думку, у такой любові «вінаваты» акцёр, добра сыграў у экранізацыі юнага злодзея — Том Фэлтан.
Па іроніі лёсу, Роўлінг лічыць гэтага артыста самым прыемным у свеце чалавекам.
Пачынаючы з сярэдзіны снежня Роўлінг публікуе дадатковую серыю апавяданняў аб старых героях патэрыяны пад назвай «12 дзён Калядаў».
Паводле раманаў Роўлінг, Драка Малфой — студэнт школы чараўнікоў Хогвартс, аднагодак Гары Потэра. Хлопчыкі яшчэ на першым курсе сталі заклятымі ворагамі
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары