Індус напісаў вірус, што можа ператвараць беспілотнікі ў «армію зомбі»
Індыйскі спецыяліст па кібербяспецы Рахуль Сасі знайшоў спосаб перахапіць кіраванне дронамі з дапамогай камп’ютарнага вірусу, распавядае TJournal.
Пагроза ўзлому дронаў рэальная, сцвярджае спецыяліст. Ён знайшоў «дзіру» ў аперацыйнай сістэме ARM Linux, на якой лётаюць беспілотнікі Parrot і DJI Phantom. Распрацаваны ім вірус Maldrone можа перахапіць кантроль над аўтапілотам апаратаў.
Захоплены беспілотнік можа заразіць іншыя апараты паблізу і стварыць «армію зомбі», якая зможа пагражаць ужо не толькі прыватнасці, але і фізічнай бяспецы людзей.
Распрацаваны Сасі вірус мае цікавую хібу: на перахоп кіравання дронам трэба некалькі імгненняў, падчас якіх кіраванне апаратам адключаецца, беспілотнік можа разбіцца да «замбавання». Захоплены апарат яго ўладальнік можа вярнуць, калі вірус выкарыстоўваецца ў чыстым выглядзе, але калі зламыснік скамбінуе яго з праграмай SkyJack, дрон ужо не вярнуць без фізічнага кантакту.
Да беспілотнікаў ужо ставяцца сур’ёзна. Іх на ўзбраенне бяруць вайскоўцы, а апарат, што разбіўся ля Белага дому 26 студзеня, выклікаў сапраўдную трывогу.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары