Адвакат Ілья Новікаў у сваім фэйсбуку апісаў сваю сённяшнюю сустрэчу з украінскай лётчыцай Надзеяй Саўчанка, якая знаходзіцца ў расійскай турме.
«Сёння мы з Маркам Фейгіным былі ў Надзеі ў СІЗА, следчы Дзмітрый Бакуновіч знаёміў нас з чарговымі пастановамі аб прызначэнні экспертыз. Да Надзеі прыехала яе мама Марыя Іванаўна, таму працэдуру давялося сціснуць, інакш яе маглі не пусціць у СІЗА. (…)
Перад пачаткам у следчы кабінет прыйшоў галоўны доктар «Матроскай цішыні» Самсон Мадаян, асабіста памераў Надзеі ціск і сказаў, што яе стан дазваляе ёй удзельнічаць у следчых дзеяннях і што ён не будзе перашкаджаць, каб заўтра яе прывезлі ў Басманны суд.
У канцы, калі следчы з перакладчыкам сышлі, коратка абмеркавалі з ёй маючы адбыцца суд, расклады па Мінску і магчымасць спынення галадоўкі. Гэта быў ужо 60-ы дзень. Яна не згаджаецца спыніцца.
Консул Генадзь Брэскаленка, які забіраў Марыю Іванаўну з аэрапорта, спадзяваўся, што яна угаворыць Надзею ўжо пасля нашага сыходу.
З нагоды заўтрашняга суда. Ён абсалютна дзяжурны, калі палітычнае рашэнне па Надзеі Саўчанка яшчэ не адбылося (а бачных прыкмет няма), ёй аўтаматам падоўжаць арышт да 13 мая. У нас у запасе, акрамя імунітэту дэлегата ПАРЕ, якога яшчэ не было мінулы раз, розныя варыянты па закладу, хатняга арышту і паручальніцтва, уключаючы паручальніцтва ўкраінскай амбудслэдзі Валерыі Луткоўскай. Але ўсё гэта больш для чысціні эксперыменту, у Басманным судзе такія штукі не працуюць без асаблівага патурання зверху…».
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза13
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары