Дэсантнікі узброеных сіл Украіны разблакавалі базу дабравольніцкага корпуса «Правага сектара» ў Днепрапятроўскай вобласці, паведамляецца на сайце руху са спасылкай на камандзіра корпуса Андрэя Стэмпіцкага.
Усе канфлікты вычарпаныя, гаворыцца ў паведамленні.
Раней «Правы сектар» заявіў, што 28 красавіка падраздзялення 95-й аэрамабільнай і 25-й парашутна-дэсантнай брыгады выставілі блокпасты вакол іх базы ў сяле Вялікаміхайлаўка Пакроўскага раёна Днепрапятроўскай вобласці.
На наступны дзень каля 300 прадстаўнікоў «Правага сектара» правялі акцыю пратэсту каля адміністрацыі прэзідэнта Украіны.
У мінабароны Украіны заявілі, што базу ніхто не блакаваў, а расстаноўка блокпастоў звязаная з правядзеннем вучэнняў.
Каментары