Гомельскі гарадскі аддзел Следчага камітэта праводзіць праверку па факце гібелі 11-месячнага хлопчыка.
Вядома, што хлопчык патануў у ваннай, пра гэта БелТА паведаміла афіцыйны прадстаўнік Гомельскага абласнога ўпраўлення Следчага камітэта Марыя Крываногава.
Паводле аператыўнай інфармацыі, 23-гадовая маці напоўніла ванну, каб выкупаць малога. З яе слоў, вада была па пояс дзіцяці.
На некаторы час жанчына адлучылася з пакоя. Калі вярнулася, дзіця ўжо не падавала прыкмет жыцця. Выратаваць немаўля не ўдалося.
Маладая мама пражывае з бацькамі. У той дзень яна была дома адна.
Тым часам праваахоўныя органы праводзяць праверку па факце траўмавання пяцігадовага хлопчыка ў іншым раёне абласнога цэнтра. Дзіця выпала з акна кватэры на пятым паверсе, абапёршыся на маскітную сетку. З цяжкімі траўмамі хлопчыка даставілі ў рэанімацыю.
За апошнія дні гэта трэці ў Гомельскай вобласці трагічны выпадак, звязаны з дзецьмі. Як раней паведамлялася, у нядзелю ў Рагачоўскім раёне быў знойдзены патанулым у каналізацыйным рэзервуары 8-гадовы хлопчык.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)