Кіруючая ў Партугаліі ліберальна-кансерватыўная кааліцыя «Партугалія, наперад», якая складаецца з Сацыял-дэмакратычнай партыі (СДП) і Народнай партыі, атрымала перамогу на парламенцкіх выбарах. Правацэнтрысты, апошнія чатыры гады праводзілі палітыку жорсткай эканоміі для вываду краіны з эканамічнага крызісу, набралі прыкладна 37% галасоў пасля падліку 99% бюлетэняў, паведамляе Associated Press.
Як заявіў у Лісабоне прэм'ер-міністр Партугаліі Педру Пасуш Каэльё, «мы паінфармуем прэзідэнта аб тым, што гатовыя сфарміраваць урад». Лідар галоўнай апазіцыйнай сілы, былы мэр Лісабона Антона Кошта прызнаў паразу — яго левацэнтрысцкая Сацыялістычная партыя набрала каля 32%.
Рэшту галасоў падзялілі паміж сабой Кааліцыя дэмакратычнага адзінства пад кіраўніцтвам Жэроніму дэ Саузы, якая складаецца з Партугальскай камуністычнай партыі і Экалагічнай партыі «зялёных» (7% галасоў), а таксама Блок левых пад кіраўніцтвам Франсішку Лоўса (6%).
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары