Сталічная міліцыя затрымала дваіх падлеткаў, якія білі вокны ў аўтамабілях і аўтобусах на вуліцы Карастаянавай, паведамляе прэс-служба ГУУС Мінгарвыканкама.
Сігнал пра групу маладых людзей, якая займаецца вандалізмам, паступіў у дзяжурную частку міліцыі ад мясцовага жыхара.
Падазраваных затрымалі і даставілі ў раённае ўпраўленне міліцыі. На месца здарэння выклікалі следча-аператыўную групу.
Падлеткі, якім 14 і 16 гадоў, аказаліся вучнямі адной з мінскіх школ. Яна разбілі вокны двух аўтамабіляў і аднаго аўтобуса. Старэйшаму з вандалаў пагражае крымінальная адказнасць за хуліганства згодна з ч. 2 ст. 339 УК.
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары