«Спрагназаваць немагчыма». У Belavia патлумачылі, чаму палёт у Грузію можа заняць восем гадзін
Усе выхадныя ў сацсетках абмяркоўвалі рэйс з Мінска ў Кутаісі, які 22 жніўня замест звычайных трох з паловай гадзін ляцеў восем. Прычына — закрыццё неба над расійскімі рэгіёнамі, праз што самалёт рабіў круг праз Казахстан. Апошнім часам такія сітуацыі раз-пораз здараюцца. У Belavia расказалі журналісту выдання Office Life, як дзейнічаюць у падобных выпадках і на каго кладуцца выдаткі.
У авіякампаніі прызнаюць, што працуюць у абставінах, якія пастаянна змяняюцца: штодня атрымліваюць паведамленні пра змены ў рэжыме выкарыстання паветранай прасторы ў асобных рэгіёнах Расіі праз беспілотнікі. І спрагназаваць гэты працэс па зразумелых прычынах немагчыма.
«Авіякампанія бесперапынна маніторыць сітуацыю, карэктуе маршруты і выконвае рэйсы строга па патрабаваннях бяспекі. Да прыкладу, нядаўна абмежаванні закранулі тэрыторыю маскоўскага авіявузла. У выніку мы вымушана пераглядалі план палётаў. Калі да гэтага дадаць сітуатыўныя абмежаванні іншых тэрыторый, у выніку атрымаем павелічэнне маршрутаў, а ў асобных выпадках нават неабходнасць у тэхпасадках», — каментуюць прадстаўнікі Belavia.
Праблема яшчэ і ў тым, што часта інфармацыя пра закрыццё зоны паветранай прасторы паступае экіпажу проста падчас выканання рэйса. Карэктаваць маршрут даводзіцца непасрэдна ў палёце. Падрыхтавацца і арганізаваць дадатковае харчаванне для пасажыраў у такім выпадку таксама не атрымаецца.
«Безумоўна, такая сітуацыя авіякампанію не цешыць. Мы нясем фінансавыя выдаткі праз павелічэнне маршрутаў і тэхнічныя пасадкі. Але, акрамя сур'ёзных дадатковых выдаткаў, затрымка аднаго рэйса можа прывесці да затрымкі наступнага — праз высокі сезон і шчыльную расстаноўку парку. Такім чынам, па ланцужку магчымыя збоі ў раскладзе нават на тых напрамках, якія, здавалася б, да закрыцця паветранай прасторы дачынення не маюць», — тлумачаць у Belavia.
Адметна, што змены ў маршрутах не заўсёды выклікаюць затрымкі. Часам можа быць наадварот, кажуць у авіякампаніі:
Напрыклад, у суботу, 22 жніўня, праз абмежаванні і вымушаны аблёт дзённы рэйс у і з Кутаісі выконваўся з тэхпасадкай. Але дзённыя рэйсы па гэтым жа маршруце 23 і 24 жніўня прыляцелі нават раней за запланаваны час. Ва ўсіх выпадках палёты выконваліся на адным і тым жа тыпе самалётаў — Boeing. І ў цэлым пераважная большасць рэйсаў Belavia вылятае па-ранейшаму згодна з раскладам.
У кампаніі падкрэсліваюць, што ў выпадку з аблётамі прагназаваць развіццё падзей або папярэджваць пра затрымкі на перспектыву, на жаль, не атрымаецца:
«Мы разумеем, на колькі сітуацыя дыскамфортная для нашых пасажыраў, таму шукаем і знаходзім спосабы, каб выконваць абавязацельствы перад імі, гарантуючы поўную бяспеку. Калі сітуацыя патрабуе аблёту, значыць будзем аблятаць. Калі патрэбная тэхпасадка, значыць выканаем і дазаправім самалёт. Дапускаць нават мінімальную рызыку ніхто не стане».
«Палёт замест пяці гадзін заняў дзесяць». Сям’я футбаліста Аляксандра Глеба не без прыгод даляцела да Стамбула
Загадка: самалёт з Мінска ў Кутаісі вылецеў своечасова, але спазніўся на тры гадзіны. Дзе ж ён быў?
У Мінск будзе лётаць люксавая авіякампанія з Ірана на ўнікальным самалёце. Цэны куслівыя
«Белавія» карэктуе свае расклады праз сітуацыю ў Расіі
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары