Суд Барселоны прысудзіў знакамітую оперную спявачку Мансэрат Кабалье да шасці месяцаў турмы за махлярства. Адбываць пакаранне яна, хутчэй за ўсё, будзе ўмоўна.
abc.es
Спявачка прызнала сваю віну — у зале пасяджэння яна асабіста не прысутнічала, а паказанні давала па відэасувязі, спаслаўшыся на дрэнны стан здароўя, паведамляе газета ABC. Акрамя таго, 82-гадовая Кабалье павінна будзе выплаціць штраф у памеры 254 231 еўра. Спявачка таксама не зможа атрымліваць дзяржаўную дапамогу на працягу паўтара гадоў і павінна будзе выплаціць яшчэ 72 тысячы еўра ў якасці працэнтаў за пратэрмінаваныя плацяжы.
Спявачку абвінавачваюць у нявыплаце падаткаў у якасці фізічнай асобы ў 2010 годзе ў іспанскі скарб. Кабалье фармальна лічылася жыхаром Андоры, што і дазволіла ёй не плаціць падаткі ў Іспаніі. Аднак пракуратура ўстанавіла, што спявачка выкарыстала сваё нібыта «пражыванне» ў Андоры з адзінай мэтай — пазбегнуць выплаты падаткаў, хоць сама пастаянна жыла ў Барселоне.
У выніку Кабалье пагадзілася прызнаць сябе вінаватай і заплаціць штраф у памеры 250 тысяч еўра, а таксама пагадзілася з турэмным тэрмінам у шэсць месяцаў. Акрамя таго, яна ўжо вярнула ў дзяржаўную казну Іспаніі 508 тыс.
Паколькі гаворка ідзе пра пакаранне, якое прадугледжвае менш за два гады турмы, а раней спявачка не прыцягвалася да крымінальнай адказнасці, то гэты тэрмін хутчэй будзе ўмоўным.
Пракуратура пра смерць Мелказёрава: журналіст меў хранічную хваробу17
Каментары