Вяскоўца катавалі гарачым прасам. Той цвёрда трымаўся, як юнак на дапросе
Незвычайнае здарэнне адбылося 15 мая ў вёсцы Брусы Мядзельскага раёна.
Двое вяскоўцаў пілі ў трэцяга знаёмага (усім «героям» ад 40 да 47 гадоў). Падчас гулянкі адзін з іх згадаў, што чацвёрты іх знаёмы чатыры гады таму ў лесе знайшоў дзве залатыя 10 рублёвыя манеты 1899 года Мікалая II (так званыя чырвонцы), піша СК.
Праз год пасля знаходкі той папрасіў аднаго з гэтых прыяцеляў прадаць адзін чырвонец, а той паспяхова яго згубіў. Ці засталася другая манета — вырашылі даведацца асабіста. Заадно і забраць рэліквію сабе, каб у наступным выгадна прадаць.
Мужчыны рушылі да таго самага аднавяскоўца. Гаспадар дома спакойна спаў і ні пра што не падазраваў.
Налётчыкі абвінавацілі яго ў нібыта крадзяжы металу і сталі патрабаваць кампенсацыю шкоды ў выглядзе перадачы апошняга чырвонца.
Гаспадар адмовіўся. У ход пайшлі кулакі і кій: некалькі разоў ударылі пацярпелага.
Такі метад не спрацаваў, яны ўзяліся за прас. Падключылі ў разетку і, прыкладваючы да грудзей, жывата і твару ахвяры, патрабавалі расказаць, дзе знаходзіцца рэліквія.
Аднак і такім спосабам ім не ўдалося дамагчыся жаданага.
Нягледзячы на зверскія катаванні, мужчына мужна трымаўся і нічога не расказаў.
Праз некалькі дзён апёкі яго ўбачылі вяскоўцы, і выклікалі хуткую. Медыкам мужчына распавёў пра здарэнне, а тыя паведамілі ў міліцыю.
Па гарачых слядах супрацоўнікі міліцыі затрымалі зламыснікаў. Цяпер ім пагражае да 15 гадоў турмы.
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары
Няхай аўтара назвы трохі пакатуюць прасам калегі.
Магчыма ў аўтара ў’явіцца эмпатыя