У Слоніме збіраюць грошы на помнік Льву Сапегу. Улады далі дабро на адкрыццё
На сайце дзяржаўнай газеты «Слонімскі веснік» з'явілася паведамленне пра пачатак анлайн-абмеркавання месца ў горадзе, дзе мусіць з'явіцца помнік выбітнаму дзяржаўнаму дзеячу ВКЛ і Слонімскаму старасце Льву Сапегу.
Сярод прапанаваных пляцовак — сквер на Плошчы Леніна, гарадскі парк, сквер насупраць Дома гандлю, Плошча Сапегі і «тэрыторыя ля Центра культуры і адпачынку».
Таксама паведамляецца, што кожны ахвотны можа спрычыніцца да ўзвядзення помніка, пералічыўшы грошы на рахунак Мясцовага фонду экаразвіцця «Спадчына Слонімшчыны» — «для збору, захоўвання і выдаткоўвання сродкаў на будаўніцтва помніка Льву Сапегу».
УНП 590374643
бл. рх. 3135054410186
ЦБУ № 422 ААТ «АСБ Беларусбанк» у г. Слоніме
вул. Чарняхоўскага, д.3
код банка 152101689
УНП банка 500054844
Эскіз помніка выглядае так.
У час, калі старастам Слоніма стаў Леў Сапега (1586 год), горад дасягнуў небывалага росквіту.
Слоніму вярнулі Магдэбурскае права, у горадзе пачалі праводзіцца Генеральныя соймы ВКЛ, аднаўляецца спалены татарамі касцёл святога Андрэя, разбудоўваецца замак і палац.
Планы аб адкрыцці помніка Сапегу агучваліся яшчэ ў 90-х, але далей словаў тады справа не пайшла.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары