У Гомелі міліцыянты застрэлілі лася, які нанёс траўмы мужчыну і пашкодзіў шэсць аўтамабіляў.
Раніцай 15 кастрычніка на тэрыторыю гаражна-будаўнічага спажывецкага кааператыва № 25 па вуліцы Барысенкі ў Гомелі зайшоў лось. Жывёла пашкодзіла шэсць аўтамабіляў і нанесла цялесныя пашкоджанні 30-гадоваму гамельчуку. Старшыня ГСПК выклікаў міліцыю.
Першым прыбыў на месца здарэння участковы інспектар міліцыі і, «каб пазбегнуць нанясенню шкоды жыццю і здароўю грамадзян», выкарыстаў табельную зброю. Участковы шэсць разоў прыцэльна стрэліў у лася, аднак гэта не спыніла жывёлу, паведамляе аддзел інфармацыі і грамадскіх сувязяў УУС Гомельскага аблвыканкама.
Да гэтага часу ў гаражы прыехала і следча-аператыўная група. Старшы оперупаўнаважаны БЭЗ Савецкага АУС вырашыў выкарыстаць аўтамат Калашнікава. Міліцыянт зрабіў сем прыцэльных стрэлаў, і толькі пасля гэтага жывёла была абясшкоджаная.
Туша лася канфіскаваная супрацоўнікамі КУП «Спецкамунтранс», прызначанае даследаванне. Мяркуецца, што лось быў шалёным, і менавіта таму напаў на чалавека.
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары