Прэзідэнт ЗША Дональд Трамп, як паведамляюць заходнія СМІ, мае намер узмацніць ціск на ўкраінскага лідара Уладзіміра Зяленскага, каб дабіцца яго сыходу з пасады, піша Bild.
Паводле крыніц, Трамп разглядае магчымасць спынення паставак амерыканскай зброі ва Украіну, пакуль Зяленскі застаецца пры ўладзе.
Выданне Politico піша, што прадстаўнікі адміністрацыі ЗША ўжо сустракаліся з украінскай апазіцыяй, абмяркоўваючы магчымых пераемнікаў Зяленскага.
Сярод галоўных кандыдатаў называюць: Юлію Цімашэнка — экс-прэм’ер-міністра Украіны, Пятра Парашэнку — былога прэзідэнта, Валерыя Залужнага — былога галоўнакамандуючага УСУ, які цяпер працуе паслом Украіны ў Вялікабрытаніі.
Былы дырэктар ЦРУ Джон Брэнан назваў дзеянні Трампа «шантажом і ціскам».
«Я ніколі раней не бачыў, каб амерыканскія спецслужбы спынялі супрацоўніцтва з партнёрам, каб прымусіць яго падпарадкавацца патрабаванням урада», — сказаў ён у інтэрв’ю Huffington Post.
Нямецкі палітолаг Томас Ёгер у размове з Bild выказаў здагадку, што Трамп можа помсціць Зяленскаму за яго адмову прадаставіць кампрамат на Хантэра Байдэна ў 2020 годзе.
Ёгер таксама падкрэсліў, што правядзенне выбараў ва Украіне ў бліжэйшы час будзе «ідэальным вынікам для Уладзіміра Пуціна».
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
У прэзідэнта ЗША няма плану.
Пазаўчора было "за 24 гадзіны", учора каптуляцыя, сёння новая костка ў горле - Зяленскі.
Кожны тыдзень "у мяне новы жэстачайшы план (хацелкі)".
Урэшце, усе гэтыя планы-хацелкі чулі даўно ад Пуціна, Скабеевай, Салаўёва.